1-маъруза. Кириш. Фан мақсади, вазифаси ва долзарблиги

7.2. Оптик IP-тармоқларда хизмат кўрсатишни сифатини таъминлаш хусусиятлари

Зич тўлқин/спектрал зичлаштириш (Dense Wavelength Division Multiplexing, DWDM)га эга бўлган технология томонидан тавсия этилган, етарли частота полосаси билан биргаликда кенг тарқалган IP технологияси, IP-over-DWDM каби маълум ва кейинги авлоднинг (Next Generation, NG) интернет тармоқларида катта масофаларга маълумотларни узатишда етакси ҳисобланади.

DWDM – бу оптик зичлаштирувчи технология бўлиб, жуда кўп частоталарда ёки тўлқин узунликларида маълумотлар пакетини бир вақтда узатиш орқали, оптик тола ресурсларидан яхшироқ фойдаланишга имкон беради.
Айрим хизматлар учун, овозли пакетларни ва видеони реал вақтда узатиш каби айрим хизматларни кафолатлаш учун хизмат кўрсатиш сифати (Quality of Service, QoS)ни таъминлаш муаммоси, оптик магистраллар учун амалда ечимини топмаган.
Оптик DWDM тармоқларида QoS ни таъминлаш муаммолари, электрон коммутаторларда ва маршрутизаторларда қўлланиладиган QoS усуллардан бир қанча фундаментал фарқ қилади.
Энг асосий фарқи DWDM қурилмаларида, кечиктирувчи оптик линияларда буферланиши мумкин бўлган пакетлар навбати концепциясининг мавжуд эмаслигидир. Кечикиш линияси бу (Fiber Delay Line, FDL), маълум бир вақт оралиғида оптик сигнални кечиктириш учун қўлланиладиган узун оптик толали линия.
Оптик тармоқларда навбат альтернативаси сифатида, келгусида маълумотларни оптик коммутациялаш йўли орқали частота полосасини захиралаш учун сигналли ахборотларни қўшимча узатиш қўлланилади.


7.3. Оптик коммутациялаш технологиялари

DWDM технологиясига асосланган оптик тармоқ бўйлаб IP-трафикларини узатиш учун, учта асосий коммутациялаш технологияси тавсия қилинган. Шунга мос ҳолда IP-over-DWDM тармоқлари қуйидагича синфланиши мумкин:

• 
  Тўлқинли марштутизацияга эга бўлган тармоқлар (Wavelength Routing, WR);
  
• 
  Пакетларни оптик коммутациялашга эга бўлган тармоқлар (Optical Packet Switching, OPS);
  
• 
  Блокларни оптик коммутациялашга эга бўлган тармоқлар (Optical Burst Switching, OBS).