1 Маъруза: Фанниниг мақсад ва мазмуни. Технологик қурулмалар, уларни танлаш ва хисоблаш. Режа

2. фанининг ривожланиши;
«Жараён ва қурилмалар» фани Ўзбекистонда ўтган асрда илк бор ривож топа бошлади. 1950-60 йилларда Абу Райхон Беруний номидаги Тошкент политехника институти (ТошПИ)нинг Кимё-технология факультетида «жараёнлар ва қурилмалар» фанига алоҳида эътибор берилди.
ТошПИнинг етук олимлари М.И.Ниёзов, Н.У.Ризаев, И.П.Левш, О.Б.Ерофеева ва ҲТ.Тошпулатовлар фаннинг турли бўлимлари бўйича илмий мактаблар ташкил этишди.
Ўтган асрнинг 70-80 йилларида шу дарслик муаллифларидан ташқари З.Салимов, О.К. Убайдуллаев, В.И.Левш ва бошқалар жараён ва қурилмалар фани бўйича янги йўналишларга илмий рахбарлик қилишди, катта ютуқларга эришишди, ўз илмий мактабларини ташкил этишди ва шу кунгача фаол ишлаб келишмоқда.
90-йилларда М.М.Юсипов (ион алмашиниш жараёнининг назарий асослари), Б.Э.Мухамедов (пахта чигити шротидан эритувчини ажратиш), Ш.Н.Нуритдинов (қаттиқ фаза иштирокидаги масса алмашиниш жараёнларини моделлаш), У.В.Маннанов (мураккаб реакцион-ажратиш жараёнларида иссиқлик ва масса алмашиниш) лар докторлик диссертацияларини ёқлашди ва шу кунгача ўз изланишлари билан жараён ва қурилмалар фанининг ривожланишига ўз ҳиссаларини қўшишмокда..

фаниниг мазмуни ва моҳияти

«Жараён ва қурилмалар» фани бакалаврларни тайёрлашда умуммуҳандислик бўлим фанларидан, махсус фанларни ўрганишга ўтишда энг муҳим вазифани бажарувчи зарур фандир.

Хозирги кун фанининг аниқловчи ва тавсифловчи белгиларидан бири бу саноат ва техниканинг фан билан узвий боғланишининг чуқурлашиши ва кенгайишидир. Дунёнинг кўпчилик таниқли олимлари фан ва унинг амалиётда қўлланиши бир бутун ва узвий боғлик, эканлигини таъкидлашган.
«Жараёнлар ва қурилмалар» фани хақидаги замонавий таълим кимё, физика, математика, механика, иссиқлик ва совуқлик техникаси, электротехника, кимёвий кибернетика, материалшунослик, саноат иқтисодиёти ва бошка соҳалар фундаментал фанларининг асосий қонунларига таянади. Лекин, жараёнлар ва қурилмалар туғрисидаги таълим фан сифатида аниқ алоҳида курс бўлиб, ўзининг тажриба, ҳисоблаш услублари, ҳамда назарий қонуниятлари билан ажралиб туради.
Кимё, озик-овкат, нефт ва нефт маҳсулотларини қайта ишлаш, фармацевтика ва ҳалк хўжалиги саноатларининг бошқа тармоқлари учун умумий бўлган жараёнлар ва қурилмалар