1-лоборатория иши

Мустакил ечиш учун мисоллар
1- топшириқ

1.1. Цехда 7 эркак ва 6 аёл ишлайди. Таваккалига 8 киши ажратилганда, улар орасида уч аёл бўлиши эхтимоллигини топинг.

1.2. қутида номерланган олтита куб бор. Таваккалига биттадан хамма кублар олинганда ҳосил булган соннинг бешга бўлиниши
эхтимоллигини топинг.
1.3. 52 та картадан иборат тўлик дастадан таваккалига 4 та карта олинганда роса 2 таси ғиштин бўлиши эхтимоллигини топинг.
1. 4. 20 та команда иккита гурухга бўлинади. Иккита энг кучли команда бошқа – бошқа гурухларга тушиши эхтимоллигини топинг.
1. 5. Узунликлари 1, 3, 5, 7 ва 9 см булган бешта кесма мавжуд. Таваккалига олинган учта кесмадан учбурчак тузиш мумкинлиги эҳтимоллигини топинг.
1.6. 52 талик карталар дастасидан таваккалига 3 та карта олинади. Булар «уч», «еттилик», «туз» бўлиши эҳтимоллигини топинг.
1.7. Қутида 12 шар булиб уларнинг 5 таси оқ ва 7 таси қора. Таваккалига 3 та шар олинади. Олинган шарларнинг 2 таси қора ва 1 таси оқ бўлиши эҳтимоллиги қандай?
1.8. Яшикда 90 та сифатли ва 10 та яроқсиз буюм бор. Таваккалига олинган 5 та буюмнинг 2 тадан кўп булмагани яроқсиз эканлиги эхтимоллигини топинг.
1. 9. Таваккалига олинган икки хонали соннинг рақамлари йиғиндиси 9 га тенг бўлиши эҳтимоллигини топинг.
1. 10. 8 та бир хил карточкага 2, 4, 6, 7, 8, 11, 12, 13 сонлар ёзилган. Таваккалига иккита карточка олинади. Олинган иккита карточка-даги сонлардан тузилган каср кискарувчи бўлиши эҳтимоллигини
топинг.
1. 11. Ўйин соқдаси ташланади. Туб сон тушиши эхтимоли
қандай?
1. 12. Таваккалига танланган икки хонали бутун сонни квадратга оширганда тўрт билан туговчи сон ҳосил бўлиши эҳтимоллигини аникланг.
1. 13. Битта токчадаги 10 та китоб таваккалига куздан кечириляпти. Учта маълум китобнинг ёнма-ён турганлиги эҳтимоллигини топинг.
1. 14. Ўнта бир хил карточкага нолдан тўккизгача турли сонлар ёзилган. Бу карточкалар ёрдамида таваккалига тузилган уч хонали соннинг 36 га бўлиниши эҳтимоллигини топинг.
1. 15. «36 дан 5» спортлото ўйинида мукофот олиш эҳтимоллиги қандай? (Мукофот олиши учун камида 3 та рақам тўғри топилиши керак.)
1. 16. Тўққиз йуловчи трамвайнинг 3 та вагонига чикиб жойлашдилар. Хар бир йуловчи вагонни таваккалига танлайди. Бир вагонга тўрт йуловчи, бошқасига уч, учинчи вагонга эса икки йулов­чи чиққанлиги эҳтимоллиги қандай?
1. 17. Қурилма 3 таси эскириб колган 5 та элементдан иборат. Қурилмани тасодифан ишга туширилганда 2 та элемент ишлайди. Қурилманинг ишга тушмай қолиши эҳтимоллигини топинг.
1. 18. Кўчада учраган биринчи автомошинанинг номери бир хил рақамлардан иборат бўлиши эҳтимоллигини аникланг.
1. 19. «45 дан 6» спортлото ўйинида ютиб олиш эҳтимоллиги қандай? (Мукофот олиш учун камида 4 та рақам тўғри топилиши керак. )
1. 20. Таваккалига танланган икки хонали соннинг туб сон бўлиши эҳтимоллигини топинг.
1. 21. Болалар учун санаторийга 12 та, сайёхлар лагерига 8 та ва спорт лагерига 5 та йулланма ажратилди. Агар 3 уртоқнинг ота-оналари бир-биридан бехабар биттадан йулланма олган булса, бу 3 уртоқнинг битта лагерга тушиб қолиши эҳтимоллиги қандай?
1. 22. Ўкувчининг биринчи имтихонни топшириши эҳтимоллиги 0,9 га, иккинчисини топшириш эҳтимоллиги 0,8 га, учинчисини топшириш эҳтимоллиги 0,7 га тенг. Ўкувчининг: 1) барча имтихонларни; 2) ақалли битта имтихонни топшириш эҳтимоллиги қандай?
1. 23. 3 та станок ишламоқда. Бу станокларнинг бир соат давомида созлашни талаб килмаслик эҳтимолликлари мос равишда 0,95; 0,8; 0,8 га тенг. Бир соат ичида хеч булмаганда битта станокнинг созлашни талаб этмаслик эҳтимоллигини топинг.
1. 24. Автомат станок деталларни штамплайди. Бир соат ичида бирорта ҳам яроқли деталь ишлаб чиқармаслик эҳтимоллиги 0,9 га тенг. 3 соат ичида чиқарилган барча деталларнинг яроқли бўлиши эҳтимоллигини топинг.
1. 25. Таваккалига олинган телефон номери 6 та рақамдан тузилган. Барча рақамларнинг турлича бўлиши эҳтимоллиги қандай?

1. 26. Қутида 5 та оқ, 10 та қизил ва 6 та қора шар бор.Таваккалига 2 та шар олинади.Олинган шарларнинг бири оқ, иккинчиси қора бўлиш эҳтимоллигини топинг.

1.27. Олтита бир хил карточкада 2,4,7,8,12,14 сонлари ёзилган. Иккита карточка олинади. Ҳосил қилинган каср қисқарадиган бўлиш эҳтимолини топинг.
1. 28. Мерган унга қараб ҳаракат қилаётган нишонга қарата ўқ узади. Биринчи ўқ узишда нишонга тегиш эҳтимоллиги 0,4 га тенгва у Ҳар бир кейинги ўқ узишда 0,1 га ортади.3 та ўқ узишда икки марта нишонга текказиш эҳтимоллиги қандай.

1.29. Бир хил карточкаларга 1 дан 25 гача бўлган нотурал сонлар ёзилган.Таваккалига икки марта биттидан (қайтариб солмай) карточкалар олинади.Ҳар иккала карточкада туб сонлар ёзилган бўлиши эҳтимолини топинг.

1. 30. Тўла дамино тошларидан (28 та) таваккалига биттаси олинади.Ундаги очколар йигиндиси 10 дан кичик,3 дан катта бўлиш эҳтимолини топинг.