1-лаборатория машғулоти

Kerakli jihozlar: mikroskop, mikropipetka, tuproq, buyum oynalari, karbol kislotali eritrozin buyog’i, okulyar mikrometr.

Nazariy tushuncha: Tuproq mikroflorasi. Tuproq tarkibidagi mikroorganizmlarning soni million va milliardlar bilan ifodalanadi. Ba’zi olimlarning ma’lumotiga ko’ra, 1 g tuproq tarkibida 2,5-5 milliardgacha mikroorganizm bo’ladi. Bir gektar erdagi mikroorganizmlarning umumiy vazni 3-5 t ga etib qoladi.

Tuproqning fizik va kimyoviy xossalari, unda oziq moddalarning ko’pligi, namlik va havoning etarli darajada bo’lishi turli-tuman mikroorganizmlarning rivojlanishi uchun juda qulay sharoit hisoblanadi. Tuproq tarkibidagi mikroorganizmlarning soni va xili kun sayin ko’payib hamda o’zgarib turadi. Ular odatda, inson, hayvon va o’simlik qoldiqlari hisobiga ko’payadi. Arktikada va issiq Sahara qumlarida ham minglab, millionlab uchraydi.

S. Razumov va R. Remezovning ma’lumotiga ko’ra, tuproqning ustki qatlamida mikroorganizmlarning soni ko’p bo’lib, chuqurlashgan sari kamaya borar ekan. Tuproq qatlami chuqurlashgan sari mikroorganizmlarning soni kamaya borishiga ularning tuproq zarrachalari tomonidan yutilib ketishi sabab bo’ladi. Tuproq tarkibidagi mikroorganizmlarning soni yil fasllariga qarab ham o’zgarib turadi. Ular tuproq strukturasini yaxshilashda, uni chirindiga boyitishda juda katta rolb o’ynaydi.

Tuproq tarkibidagi mikroorganizmlar juda xilma-xil bo’lganligidan ular bir- biriga salbiy yoki ijobiy ta’sir ko’rsatadi, ya’ni bir-biri bilan simbioz holda yoki bir- biriga antagonist bo’lib hayot kechiradi.