1-Лаборатория иши

Gipabissal  tog‘jinslari.  Nefelinli  sienit  guruhi  gipabissal  turlariga 

nefelinli  mikrosienit,  nefelinli  sienit-porfir  (asxist)  va  nefelinli  sienit-

pegmatit (diasxist) kiradi. 

Nefelinli mikrosienit   abissal tog‘jinslaridan mayda donaligi bilan farq 

qiladi.  Nefelinli  sienit  -  porfirga    esa  porfir  struktura  xosdir.  Porfirlar 

ortoklaz,  nefelin,  ayrim  holda  sanidindan  tashkil  topgan  bo‘lib,  asosiy 

massa  mayda  egirin-avgit,  ishqorli  amfibol  va  dala  shpatidan  tashkil 

topgan. 

 Effuziv  tog‘jinslari.  Nefelinli  sienitlarni  effuziv  monandi    fonolit  

(kaynotip) va  fonolit-porfir  (paleotip). Tog‘jinsini fonolitga kiritish uchun 

uning tarkibida ishqorli dala shpati  bilan birga feldshpatoidlar guruhining 

minerallari bo‘lishi kerak. 

Tog‘jinsining  strukturasi  porfirli  bo‘lib,  porfirlarda  nefelin,  sanidin, 

leytsit, albit va rangli minerallar uchraydi. Asosiy massa strukturasi traxitli 

bo‘lib, unda ko‘pincha vulqon shishasi bo‘lishi mumkin. 

                      Ishqorli gabbroidlar guruhi 

Ishqorli  gabbroidlar  guruhiga  kiruvchi  tog‘jinslari  kam  rivojlangan 

bo‘lib,  ammo  ular  muhim  petrologik  ahamiyatga  ega.  Ishqorli  tog‘jinslari 

ishqorli  provinsiyalarning  murakkab  differensiatsiyalangan  kompleksini 

boshlang‘ich  fazasi  shaklida  namoyon  bo‘lib,  massivning  asosiy  qismini 

tashkil  qiladi.  Murakkab  kompleks  hosil  bo‘lish  jarayonining  oxirgi 

fazalarida  nefelinli  sienitlar,  iyolit-melteygetitlar  yoki  kvarsli  sienitlar 

hosil bo‘ladi.