1. Кейс Германияда бир округ таълим мудири янги ўқув йили олдидан мактаб директорларига ушбу мактубни юборарди

---

1. Кейс
Германияда бир округ таълим мудири янги ўқув йили олдидан мактаб 
директорларига ушбу мактубни юборарди: «Мен Гитлернинг қийноққа тутилган 
асирлар концлагерида тирик қолган оз сонли инсонларнинг бири эдим. Мен инсон 
зоти кўрмаслиги лозим бўлган кўп нарсаларни кўрдим: 
- жуда яхши илм олган муҳандисларнинг одамларни ўлдириш учун газли 
хоналар барпо этганини: 
- жуда яхши илм олган докторларнинг ёш болаларни захарлаб қанча 
муддатда ўлишини кузатганини: 
- ўта тажрибали ҳамшираларнинг уколидан чинқираб ўлган чақалоқларни 
кўрдим. 
Мактабда аъло баҳоларга ўқиган, университетларни имтиёзли битирган 
билим эгаларининг инсон авлоди устида ўтказган ўта ваҳшиёна тажрибаларига 
гувоҳ бўлдим. 
Маънавиятсиз сифатли таълимнинг шу жиҳатидан андишам бор! 
Сизнинг таълимингиз ортидан ўта билимли «ҳайвонлар», ўта қобилиятли 
ваҳшийлар юзага чиқмасин! 
Ўқиш-ёзиш, қўшиш-айриш каби билимлар фарзандларимизнинг инсоний 
ахлоқлари гўзал бўлганидагина ҳақиқий фойдали билим бўла олади». 
Кейс топшириқ: 
1. Сизнингча, округ таълим мудири ўз мактубида қандай долзарб муаммони 
кўтарган?(жавоб асосланиши лозим). 
2. Мазкур муаммони мамлакатимиздаги таълим жараёнига дахли борми? 
(жавоб асосланиши лозим). 
3. Мактубда кўтарилган муаммони юзага келмаслиги учун мактаб 
бошқарувида қандай тажрибаларни қўллагансиз ёки қандай таклифлар берасиз? 
(аниқ тажриба ва таклифлар баён этилади). 
2. Кейс
Тадқиқотчилар фикрича, япон мўжизасининг асосий омилларидан бири ҳам 
ишчиларнинг ўқишга мойиллиги юксаклиги, юқори маълумотга эга 
бўлганлигидадир.
Расмий маълумотларга қараганда, ўқишга лаёқатнинг устуворлиги 
натижасида XX асрнинг 90 йилларидаёқ катта ёшдаги япон аҳолисининг 38 
фоизи олий маълумотга эга бўлишган.
Бу ютуқнинг аҳамиятли томони шундаки, аксарият японлар бунга мустақил 
равишда эришган. 
АҚШ корхоналарида эса, минутига 400 тадан кам сўз ўқийдиганларни 
раҳбар лавозимларга тайинлашмайди.
Чунки уларда тез ўқий олмайдиган раҳбар, қоғозга кўмилиб қолади, деб 
ҳисоблашаркан.