1. «Касбий педагогика» фанининг долзарблиги ва ўҚитиш структураси

касбий педагогика фанининг асосий мақсади - жаҳон талаблари даражасида янгиланиб бораётган ишлаб чиқариш шароитларига мослаша оладиган, иқтисодиётимизни буюк давлат даражасига кўтарадиган мутахассисларни тайёрлаш ва бу жараёнда асосий омил сифатида бериладиган ахборотлар ҳажмини эмас, балки ижодий ёндошувни шакллантириш, мустақил фикрлаш ва тадбиқ қилиш сифатларини тарбиялашга эътибор қаратиш лозим.
«Касбий педагогика» фанининг вазифаси қуйидагилардан иборат:
- турли хил (ташкилотларда) корхоналарда самарали меҳнат фаолиятини амалга ошириш;
- аниқ бир ишлаб чиқаришнинг нафақат техник-технологик, балки ижтимоий-иқтисодий истиқболларини белгилаш;
- зарурият бўлганда, бошқарув ва ижро функцияларини қўшиш, иш қидириш давомида меҳнат бозорида тўғри йўл танлаш ва хусусий ишлаб чиқаришни йўлга қўя олиш.
Шунингдек, бўлажак иқтисодчи-педагоглар «Касбий педагогика» курсида мутахассислик бўйича билимларини кенгайтирадилар ҳамда янги тушунча ва қарашлар билан қуролланадилар. Ушбу ўқув қўлланма таълим олувчиларнинг миллий мафкура тарбияси, талабани ривожлантириш асослари, ўқитувчи ва талаба шахсига қўйиладиган талаблар, касбий таълимнинг назарий ва амалий асослари ҳақидаги билимлар билан қуроллантириш вазифасини бажаради.
«Касбий педагогика» фани «Касб таълими» (иқтисодиёт) магистратура йўналиши талабаларига 1-курсда, биринчи семестрда ўқитилади
«Касбий педагогика» фанига 126 соат вақт ажратилган бўлиб, шундан 42 соат маъруза, 42 соат амалий машғулот, 42 соат мустақил ишлар ҳисобланади.
«Касбий педагогика» курсини ўрганишда қуйидаги педагогик технологиялар қўлланилади: фикрлашга ўргатувчи психотехник ўйинлар, ишбилармон ўйинлар, дастурлаштирилган таълим технологиялари, синквейн, инсерт, кластер ва ҳамкорликда ўқитиш технологиялари ва бошқалар.

1^ И.А.Каримов. 2012 йил Ватанимиз тараққиётини янги босқичга кўтарадиган йил бўлади: 2011 йилнинг асосий якунлари ва 2012 йилда Ўзбекистонни ижтимоий-иқтисодий ривожлантиришнинг устувор йўналишларига бағишланган Вазирлар Маҳкамасининг мажлисидаги маърузаси Халқ сўзи газетаси. 20.01.2012 й.

2² “Обод турмуш йили” Давлат дастури // Ўзбекистон Республикаси Президентининг 2013 йил 14 февралдаги ПҚ 1920-сонли қарори.

3³ И.А.Каримов. Бош мақсадимиз – кенг кўламли ислоҳотлар ва модернизация йўлини қатъият билан давом эттириш. // Халқ сўзи газетаси. – 19.01.2013. №13 (5687).