1. Йўналиш дхм бўйича

1. Йўналиш ДХМ бўйича:

16. 
    Хорижий корхона қандай тартибда рўйхатдан ўтказилади?
    

***Чет эл инвестициялари иштирокидаги корхонани давлат рўйхатидан ўтказиш иккита усулда амалга оширилади:
- Давлат хизматлари марказларига ўзи келган ҳолда;
- Ўзбекистон Республикаси Ягона интерактив давлат хизматлари портали орқали.
Давлат хизматлари марказлари орқали рўйхатдан ўтказиш тартиби.
Ариза берувчи марказга ўзи келиб мурожаат қилинганида қоғоз ҳужжатларнинг асл нусхаларини бир нусхада тақдим этади.
Рўйхатдан ўтказувчи орган масъул ходимига ҳужжатлар ўзи келиб ариза берувчининг вакили томонидан тақдим этилса:
унинг шахсини тасдиқловчи ҳужжат (паспорт, ҳарбий билет, ҳайдовчилик гувоҳномаси, шахсини ва Ўзбекистон Республикасидаги яшаш жойини тасдиқловчи бошқа ҳужжат);
ариза берувчи вакилининг ваколатларини тасдиқловчи ҳужжат (ишончнома, шартнома ва бошқа қонун ҳужжатларига мувофиқ бошқа ҳужжатлар) тақдим этилади.
Корхонани давлат рўйхатидан ўтказиш учун марказга:
- давлат тилидаги таъсис ҳужжатлари;
- давлат божи тўланганлиги тўғрисидаги маълумотларни ёки белгиланган давлат божи миқдори тўланганлиги тўғрисида банк тўлов ҳужжатининг нусхаси тақдим этилади.
Ўзбекистон Республикаси Ягона интерактив давлат хизматлари портали орқали давлат рўйхатидан ўтказиш тартиби.
Корхонани давлат рўйхатидан ўтказиш учун ариза берувчи ўзининг шахсий кабинети ёки “тадбиркорлик субъектининг шахсий кабинети”дан эркин фойдаланиш имконига эга бўлгандан сўнг:
“бизнесни рўйхатдан ўтказиш” – давлат хизматини танлайди;
тадбиркорлик субъектлари – юридик шахсларга тегишли сўровномани шакллантиради;
сўровнома шакллантириш жараёнида ариза берувчи томонидан фирма номини танлаш ва бир хиллигининг текширилиши Тизим томонидан автоматик тарзда амалга оширилади;
сўровномага давлат тилидаги таъсис ҳужжатлари (ариза берувчи таъсис ҳужжатларини ўз ихтиёрига кўра қонун ҳужжатлари талабларини инобатга олган ҳолда намунавий шакллар асосида ёки бошқа шаклларда расмийлаштириш ҳуқуқига эга) илова қилинади;
сўровнома охирига етганидан сўнг давлат божи тўлови амалга оширилади.
Сўровномага илова қилинадиган ҳужжатлар:
электрон ҳужжат шаклида, қоғозда расмийлаштирилган ҳужжатларнинг “PDF” (portable document format) форматида сканер қилинган нусхалари шаклида илова қилган ҳолда жўнатишга йўл қўйилади.
Давлат рўйхатидан ўтказиш учун юборилган сўровномалар муассислари таркибида:
Ўзбекистон Республикаси фуқароси бўлмаган шахслар кўрсатилган хорижий инвестициялар иштирокидаги корхоналар;
чет эл сармояси иштирокидаги корхоналар;
бошқа тадбиркорлик субъектлари – юридик шахсларда мажбурий тартибда кўрсатилган шахсларнинг электрон рақамли имзоси билан имзоланади.
Корхона давлат рўйхатидан ўтказилганда:
ўзи марказга келиб мурожаат этганда – базавий ҳисоблаш миқдорининг
10 баробари миқдорида давлат божи тўланади.