1-ўйин “Ким чаққон” Жиҳозлар

1-ўйин
“Ким чаққон”


Жиҳозлар: футбол тўпи, баскетбол тўпи, конуслар, сакроғич, халқа.
Жамоалар таркиби: 8 нафар (4 та ўғил бола, 2 та 7-синф, 2 та 8-синф,
4 та қиз бола, 2 та 7-синф, 2 та 8-синф)
Ўйиннинг бориши: Ҳакам ҳуштагидан сўнг биринчи бўлиб ўғил бола сакроғичда сакраб конуслар орасидан илон изи тарзида ўтиб бориб, белгиланган жойдан тўғри стартга қайтадилар ва сакроғични жойига қўйиб ўз ўрнини эгаллайди. (камида 5 маротаба сакраш шарт)
Қиз бола халқани олиб белида айлантириб конуслар орасидан илон изи тарзида ўтиб борадилар ва охирги конусдан айланиб тўғри старт чизиғи томон югуриб бориб халқани белгиланган жойга қўяди.
Кейинги ўғил бола футбол тўпини оёқда конуслар орасидан илон изи тарзида олиб ўтиб охирги конусдан айланиб тўғри старт томонга югуриб боради ва тўпни жойига қўяди.
Кейинги қиз бола баскетбол тўпини олади ва баскетбол ўйини қоидасига асосланган холатда ерга уриб конуслар орасидан илон изи тарзида олиб ўтиб охирги конусдан айланиб тўғри старт чизиғи томон югуриб тўпни белгиланган жойга қўяди. Ўйин шу тариқа давом этади.
Ўйин давомида жиҳозлар йиқитилса хато ҳисобланади, бу хатони ўз ўрнида хато қилган ўйинчининг ўзи тузатиши лозим. Акс ҳолда жамоадан очко олиб ташланади. Ўйинни биринчи бўлиб тугатган жамоага 3 очко, иккинчи тугатган жамоага 1 очко берилади.

2-ўйин
“Қизиқарли эстафета”


Жиҳозлар: Гимнастик тўшак, тунел, тўсиқлар, конус, теннис коптоги.
Жамоалар таркиби: 12 нафар (6 та ўғил бола, 2 та 6-синф, 2 та 7-синф,
2 та 8-синф, 6 та қиз бола 2 та 4-синф, 2 та 5-синф, 2 та 6-синф)
Ўйиннинг бориши: Ўйинни ўғил болалар бошлаб беришади. Ҳакам ҳуштагидан сўнг қўлида теннис коптоги билан стартдан чиқиб гимнастик тўшак устида олдинга умбалоқ ошади. Тунел ичидан югуриб ўтади ва масофаларда турган тўсиқлар устидан сакраб ўтиб, финишда турган конусдан ўтиб, старт томонда навбатда турган ўйинчига теннис тўпини отади. Навбатда турган ўйинчи тўпни тутиб ўйинни старт чизиғидан бошлаб давом эттиради. Қиз болалар тўсиқларнинг тагидан ўтади.
Ўйинни биринчи бўлиб тугатган жамоага 3 очко, иккинчи тугатган жамоага 1 очко берилади.

3-ўйин
“Овчилар ўйини”