1§. Jamiyatni axborotlashtirish va kompyuterlashtirish muammolari

18§. .Multimedia xizmati va masofadan o’qitish tizimlari

• 
  Multimedia texnologiyasi
  
• 
  Multimediali o’qitish texnologiyalari
  
• 
  Elektron kitoblar va ularning turlari
  

18.1. Multimedia texnologiyasi
Multimedia – zamonaviy kompyuter texnologiyalari yordamida matn, tasvir, grafika, animatsiya, jadval, audio, video effektlarini o’zida mujassamlashtirgan ma’lumotlarni foydalanuvchilarga etkazib berish texnologiyasidir.
Bunday texnologiya boshqa axborot texnologiyalaridan quyidagi afzalliklari bilan ajralib turadi:
- axborotning xilma-xil turlarini, ya’ni an’anaviy turlaridan (matn, chizma, jadvallar va h.k.) tortib, to original turlarigacha (nutq, musiqa, videofilmlar, televizion kadrlar, animatsiyali suratlar va h.k.) bitta dasturiy mahsulotda mujassamlashtirishi mumkin;
- bunday axborotlarni foydalanuvchilarga etkazib berishda turli zamonaviy elektron qurilmalardan (mikrofon, audio va videotizimlar, kompakt-disklar, televideniya, vidnomagnitofon, videokamera, videoproektor, elektron musiqa asboblari va h.k.) keng foydalanadi;
- bunday axborotlarni kompyuterda tahrir qilish va qayta ishlash imkonini beradi;
- “odam-kompyuter” muloqati yangi darajada, ya’ni yanada ko’rgazmaliroq va qulayroq ko’rinishda olib boriladi.
Hozirgi paytda multimedia texnologiyasidan ayniqsa ta’lim berish sohasida keng foydalanilmoqda.
18.2. Multimediali o’qitish texnologiyalari
Multimediali o’qitish, o’qitishning an’anaviy usullariga qaraganda quyidagi afzalliklarga egadir:
 - o’quv materiali chuqur va mukammal o’rgatadi;
- foydalanuvchiga ta’limni istalgan paytda (masalan, bo’sh vaqtlarida) olish imkonini beradi;
- multimediali materiallar o’quvchining xotirasida uzoq vaqt saqlanib qoladi;
- foydalanuvchiga o’zi hoxlagan o’quv yurtining ta’lim tizimi bilan tanishish imkonini beradi.
Hozirgi paytda multimediali o’qitishning distant usuli keng qo’llanilmoqda.
Bu usul o’z navbatida quyidagi texnologiyalarni o’z ichiga oladi: