1§. Jamiyatni axborotlashtirish va kompyuterlashtirish muammolari

Xizmatchi informatsiyalar - informatsiyalarni EHMda qayta ishlashni ta’minlovchi informatsiyalardir ( EHM dasturlari, translyatorlar, EHM ma’lumotnomalari, paketli dasturlar va h.k.).
Chiqarilayotgan informatsiyalar - EHMda qayta ishlangan va boshqarishni amalga oshirish uchun boshqarilayotgan ob’ektga uzatiladigan buyruq va ko’rsatmalardir.
15.3. Axborot tizimlaridagi informatsiyalarning xossalari
Boshqarish jarayonida faoliyat ko’rsatadigan bu uch turdagi informatsiyalar oqimi (kiritilayotgan, ichki va chiqarilayotgan) boshqarish tizimlarining INFORMATSION TA’MINOTI ni tashkil qilib, ularning sifati boshqarishning samaradorligini belgilovchi asosiy omillardan biridir. SHuning uchun ham ular quyidagi xossalarga ega bo’lishi kerak (15.2-rasm).
O’z vaqtida uzatilishlik xossasi. O’z vaqtida iste’molchilarga etkazib berilgan informatsiyagina tezkor ravishda buyruq va ko’rsatmalar ishlab chiqishga hamda boshqarilayotgan ob’ektga o’z vaqtida ta’sir o’tkazishga imkon beradi;
Aniqlilik xossasi. Har bir informatsiya aniq bir maqsadga xizmat qilishi, bir necha xil ma’noni bermasligi kerak. Aks holda, boshqarish jarayonida tushunmovchiliklarga va notug’ri xulosalarga olib keladi;

15.2 - rasm
Qisqalik xossasi. Informatsiya qisqa va mazmundor bo’lishi, ya’ni unda ortiqcha ma’lumotlar yoki takrorlanishlar bo’lmasligi kerak. Bu esa boshqarishni tez va ob’ektiv kechishini ta’minlaydi;
Xatosizlik xossasi. Bu xossa, boshqarishdagi informatsiyalardan talab qilinadigan eng asosiy xossalardan biridir. Faqat xatosiz informatsiyagina boshqarish faoliyatini to’g’ri aks ettiradi va to’g’ri xulosalar chiqarib, ob’ektning to’g’ri boshqarilishini ta’minlaydi;
Tushunarlilik xossasi. Informatsiya – boshqarish organi (ya’ni EHM) tushuna oladigan holatda (saralangan, kodlashtirilgan, informatsiya tashuvchi vositalarga yozilgan) bo’lishi, ya’ni dastlabki qayta ishlashdan o’tgan bo’lishi kerak;