1. Иқтисодий-ижтимоий жараёнларда боғликликлар турларини ўрганиш. Корреляция коэффициентининг турлари ва ҳисоблаш усуллари. Чизиқли ва чизиқсиз регрессион боғланишлар

ЖУФТ КОРРЕЛЯЦИОН-РЕГРЕССИОН ТАҲЛИЛ
РЕЖА:
1. Иқтисодий-ижтимоий жараёнларда боғликликлар турларини ўрганиш.
2. Корреляция коэффициентининг турлари ва ҳисоблаш усуллари.
3. Чизиқли ва чизиқсиз регрессион боғланишлар.
4. Корреляцион-регрессион таҳлилда энг кичик квадратлар усулининг қўлланилиши.

• Иқтисодий-ижтимоий жараёнларда боғликликлар турларини ўрганиш.

Омилларнинг ҳар бир қийматига турли шароитларида натижавий белгининг ҳар хил қийматлари мос келадиган боғланиш корреляцион боғланиш ёки муносабат дейилади. Корреляция сўзи лотинча correlation сўзидан олинган бўлиб, ўзаро муносабат, мувофиқлик, боғлиқлик деган маънога эга.
Корреляцион боғланишнинг характерли хусусияти шундан иборатки, бунда омилларнинг тўлиқ сони номаълумдир. Шунинг учун бундай боғланишлар тўлиқсиз ҳисобланади ва уларни формулалар орқали тақрибан ифодалаш мумкин, холос.
Икки ҳодиса ёки омил ва натижавий белгилар орасидаги боғланиш жуфт корреляция деб аталади.
Корреляцион таҳлил деб ҳодисалар орасидаги боғланиш зичлик даражасини баҳолашга айтилади.

Корреляцион таҳлил. Регреccион таҳлил.

Корреляцион таҳлил – ҳодиcалар ўртаcидаги боғланишни аниқлайдиган уcулларидан бири ҳиcобланади. Лекин фақат корреляцион таҳлил боғланишнинг зичлиги ҳақида оддий баҳо бера олади. Бу ҳолат иқтиcодий тадқиқотларда корреляцион таҳлилни кенг қўллаш имкониятини беради. Корреляцион таҳлил ҳақида гапирганда, регреccион таҳлилни унутмаcлик керак. Регреccион таҳлил ҳодиcалар ўртаcидаги боғланишнинг cтатиcтик таҳлил уcули бўлиб, боғланиш формаларини таҳлил қилади. Регреccион таҳлил натижалари регреccия тенгламалари ва коэффициентларида cифат ифодаcига эга.

Корреляцион-регресион таҳлилни қўллаш талаблари:

ўрганилаётган тўплам иложи борича катта бўлиши;
ўрталаштирилаётган белги миқдори объектив бўлиши;
тақсимот қаторлари нормал тақсимот қонунига бўйсуниши ва иложи борича унга яқин бўлиши керак