1. Иқтисодиёт / Энергетика]

электр энергетикаси — электр энергиясини ишлаб чиқариш, узатиш, тақсимлаш, сотиш ва истеъмол қилиш соҳаси;
ягона электр энергетика тизими — электр энергиясини ҳосил қилувчи корхоналар, магистраль электр тармоқлари, ҳудудий электр тармоқлари мажмуи ва уларнинг тезкор-диспетчерлик бошқаруви;
электр тармоқ — электр энергиясини узатиш ва тақсимлашга мўлжалланган электр тармоқлари ҳўжалиги объектлари мажмуи;
электр энергиясининг транзити — бир давлат электр тармоқлари орқали, бошқа давлат ҳудудида ишлаб чиқарилган ва учинчи давлат ҳудудига мўлжалланган электр энергиясини узатиш;
электр қурилмаси — электр энергиясини ишлаб чиқариш, трансформация қилиш, узатиш, тақсимлаш ҳамда уни энергиянинг бошқа турига айлантириш учун мўлжалланган машиналар, аппаратлар, электр узатиш тармоқлари ва ёрдамчи ускуналар йиғиндиси (улар ўрнатилган иншоотлар ва бинолар билан бирга);
электр станцияси — электр энергиясини ишлаб чиқариш учун мўлжалланган қурилиш қисмидан, электр энергиясини ўзгартириш учун ускуналардан ва ёрдамчи ускуналардан ташкил топган электр қурилма;
блок станциялар — истеъмолчиларнинг ягона электр энергетика тизимига бевосита ёки истеъмолчилар тармоғи орқали уланган, ҳамда тезкор-диспетчерлик бошқаруви тизимига кирадиган электр станциялари;
энергетика корхоналари — электр энергияни (қувватни) ишлаб чиқариш, узатиш, тақсимлаш ва сотиш жараёнида иштирок этувчи корхоналар (электр энергияни ишлаб чиқарувчи корхоналар, магистраль электр тармоқлари корхоналари, ҳудудий электр тармоқлари корхоналари, блок станциялар, шунингдек магистраль электр тармоқлари сифатида фойдаланилаётган юридик шахсларнинг электр тармоқлари хўжалиги объектлари);
электр энергиясининг ягона харид қилувчиси — электр энергиясини ҳосил қилувчи корхоналар билан электр энергиясини харид қилиш, ҳудудий электр тармоқлари корхоналарига электр энергиясини сотиш, магистраль электр тармоқлари корхонаси билан электр энергияси узатиш бўйича шартнома тузиш ҳуқуқи берилган электр энергетикаси соҳасидаги махсус ваколатли органнинг таркибий қисми;