1. Islom dini haqida tushuncha Iymon haqida tushuncha

«Allohning huzuridagi din — Islomdir» (Oli Imron: 19);
«Kimda-kim Islomdan o‘zga din istasa, bas (uning «dini» Alloh huzurida) hargiz qabul qilinmaydi va U oxiratda ziyon ko‘rguvchilardandir» (Oli Imron: 85).
Darhaqiqat, Alloh taolo barcha odamlarga O‘ziga Is­lom dini bilangina ibodat qilishlarini farz qilib, Rasululloh sollallohu alayhi va sallamga xitob qildi:
«Ayting (ey Muhammad): «Ey odamlar, albatta men sizlarning barchangizga Alloh (yuborgan) elchiman. U shunday zotki, osmonlar va Yer Uning mulkidir. Hech qanday iloh yo‘q, faqat Uning O‘zi bordir. Hayot va o‘lim beradigan ham Uning O‘zidir. Bas, Allohga va Uning elchisiga — Alloh va Uning so‘zlariga ishona­digan ummiy payg‘ambarga iymon keltiringiz va unga ergashingiz — shoyad hidoyat topursiz»» (A’rof: 158).
Imom Muslimning «Sahih»ida ushbu hadis rivoyat qilingan:
«Rasululloh sollllohu alayhi va sallam: «Muhammadning joni qo‘lida bo‘lgan zotga qasamki, bu Ummat ichi­dagi yahudiy va nasroniylarning birontasi men olib kelgan dinni eshitsa-yu, unga iymon keltirmay vafot etsa, jahannam ahlidan bo‘ladi», dedilar».
Rasululloh sollallohu alayhi va sallam olib kelgan narsalarga iymon keltirish esa, quruq til bilan emas, balki ularni qabul qilish va ularga itoat etish bilan tasdiqlashdir. Shuning uchun ham, (Rasululloh sollallohu alayhi va sallamning amakisi) Abu Tolib mo‘­min bo‘lmadi. Zero, u Rasululloh sollallohu alayhi va sallam olib kelgan dinni tasdiqlagan va: «Bu din — barcha dinlar ichidagi eng yaxshi dindir», deb guvohlik bergan edi.
Islom dini — avvalgi dinlar o‘z ichiga olgan barcha salohiyatlarni kafolatlash bilan birga, har bir zamon, har bir makon va har bir xalqqa salohiyatli bo‘lishi bi­lan ajralib turadi. Alloh taolo Muhammad sollallohu alayhi va sallamga xitob qilib shunday dedi: