1. Iqtisodiyot / Standartlashtirish. Sertifikatlash]

o‘lchamli oltin quymalar — oltinning massa ulushi ligaturali massaning 99,99 % dan kam bo‘lmagan, 5 dan 1000 g gacha og‘irlikdagi oltin quymalari;
quymaning ligatura massasi — bu barcha tarkibiy qismlarni (oltin va u bilan bog‘liq bo‘lgan aralashmalarni) hisobga olgan holda, quymalarning haqiqiy umumiy massasi;
quymaning nominal massasi — bu ishlab chiqarish paytida oltinning o‘lchamli quymasiga tegishli bo‘lgan oltin massasi;
oltinning massa ulushi — oltin komponentlari massasini o‘lchamli oltin quymasi massasining nisbatiga teng bo‘lgan o‘lchamsiz fizik kattalik;
oltin probasi — shartli ravishda 1000 birlikka bo‘lingan quymada oltin miqdorini aniqlaydigan sifat ko‘rsatkichi;
marka — quymada metallni nominal miqdorini ko‘rsatuvchi harflardan va undan keyingi raqamlardan tashkil topgan belgilanish;
g‘adir-budurliklar — metall quyishda hosil bo‘lgan nuqsonlar;
arbitraj namuna — ishlab chiqaruvchi va iste’molchi o‘rtasida kelishmovchilik kelib chiqqan hollarda, nizolarni bartaraf etish uchun saqlanadigan muhrlangan namuna;
ishlab chiqaruvchi — mahsulot ishlab chiqaruvchi korxona.
buyurtmachi — ishlab chiqaruvchi va iste’molchidan tashqari o‘lchovli oltin quymalarni ishlab chiqarish tashabbuskori bo‘lgan yuridik shaxs;
iste’molchi — o‘lchamli oltin quymalarini sotib oluvchi jismoniy va yuridik shaxslar.
4. Belgilanishlar va qisqartmalar
Standartda quyidagi shartli belgilanishlar va qisqartmalar qabul qilingan:
Misol:
“1. Au-1 OLM 5 O’z DSt 1174:2020.
2. Au-1 OLQ 500 O’z DSt 1174:2020”.
bunda :
Au-1 — oltinning massa ulushi ligaturali massani 99,99 % dan kam bo‘lmagan 999,9 probadagi oltin markasi;
OLM 5, OLQ 500: bunda OL — oltin, Q — quyib tayyorlangan quyma, M — shtamplab bajarilgan quyma, sonlar — grammlardagi quymaning nominal massasi.
5. Texnikaviy talablar
5.1. O‘lchamli oltin quymalari mazkur davlat standarti talablariga muvofiq bo‘lishi lozim. O‘lchamli quymalar shtamplangan va quyma holatda yetkazib beriladi.
5.2 Asosiy parametrlari va o‘lchamlari.
5.2.1. Oltinning o‘lchamlari va belgilanishlari, massasi va undagi chegaraviy og‘ishlar 1-jadvalga muvofiq bo‘lishi lozim.
1-jadval — O‘lchamlari va belgilari, og‘irligi va undan chegaraviy og‘ishlar