1. Ilmiy ishlarning turlari: ilmiy-tadqiqiy, ilmiy-ommabop va ilmiy-uslubiy ishlar

Ilmiy-uslubiy ishlar ta’lim jarayonining o‘quv-uslubiy tahminotini tashkil etuvchi o‘quv dasturlari, o‘quv-uslubiy va uslubiy-metodik adabiyotlardan iborat bo‘lib, ular ilmiy-nazariy va ilmiy-uslubiy izlanishlarning o‘zaro ta’siri natijasida yuzaga kelgan janr o‘quv-uslubiy janrdir. Ularga mansub matnlar ilmiy-nazariy tadqiqotlardan olingan natijalar ilmiy-uslubiy tadqiqotlar asosidagi o‘qish jarayoniga kiritilishi uchun mo‘ljallangandir. O‘quv-uslubiy adabiyotlari bosma – nashr qilingan va elektron adabiyotlar turlariga bo‘linadi. O‘quv-uslubiy adabiyotlarning eng keng qo‘llanadigan turlari darsliklar, o‘quv qo‘llanmalar, o‘quv-metodik adabiyotlar, lug‘atlar, mashq to‘plamlari, xrestomatiyalardir.

2. 
   O‘quv-uslubiy adabiyotlar va ularning turlari: bosma va elektron
   

o‘quv adabiyotlari


Bosma o‘quv adabiyotlar
O‘quv adabiyotlari, avvalo, ikki turga: bosma va elektron adabiyotlarga bo‘linadi. Ta’lim turlarining har bir bo‘g‘ini uchun asosiy darsliklar va o‘quv qo‘llanmalar bosma nashr shaklida qo‘llanadi. Mazkur o‘quv adabiyotlari davlat ta’lim standartlari talablaridan kelib va izchillik, ilmiylik, bilim oluvchilarning yosh va psixologik xususiyatlaridan kelib chiqadigan o‘quv adabiyotlarini yaratish tamoyillari asosida yaratiladi. Elektron o‘quv adabiyotlari yangiliklar asosida takomillashtirib turish mumkinligi, mustaqil o‘qib shug‘ullanish uchun imkoniyatlari kengligi bilan bosma adabiyotlardan farqlanadi.
Davlat ta’lim standartlari (DTS) – Davlat ta’lim standartlari ta’lim oluvchilar tayyorgarligining zarur va yetarlicha darajasini hamda muayyan ta’lim muassasalari bitiruvchilariga nisbatan qo‘yiladigan malaka talablarini, o‘quv yuklamasining zarur hajmini, ta’lim muassasalari faoliyatini va kadrlar tayyorlash sifatini baholash tartibi va mexanizmini belgilab beruvchi me’yoriy hujjat bo‘lib, o‘quv reja va dasturlar, darsliklar, qo‘llanmalarni ishlab chiqishda asos bo‘lib xizmat qiladi. U har bir ta’lim turi uchun alohida tuziladi va belgilangan tartibda tasdiqdan o‘tkaziladi.