1. Hozirgacha eskirmay kelgan, unutilmagan, "otalar so’zi" deb nomlanuvchi janr qaysi? maqollar

Usmon Nosir

1. Ijodi va hayoti qorong’i osmonni yoritib yuborgan chaqmoqqa o’xshatilgan benazir ijodkor kim?

– Usmon Nosir

2. Usmon Nosir qachon va qayerda tug’ildi? – 1912 -yil 13-noyabrda Namanganda tug’ildi.

3. Usmon Nosir va uning oilasi Qo’qonga ko’chib kelganda shoir necha yoshda edi? – 4 yoshda

4. Onasining ismi nima? – Xolambibi, o’lgan otasining ismi Nosir hoji

5. U. Nosir qayerlarda o’qiydi? – Qo’qondagi internatda tarbiyalanadi. So’ng 1931-yil Samarqanddagi

O’zbekiston (hozirgi SamDU) dorilfununiga o’qishga kiradi.

6. Ushbu she’riy parcha U. Nosirning qaysi she’ridan olingan?

Esingdami, g’arib ona

U qishlarning zahri.

Yuzni momataloq qilgan

U yillarning qahri. – Samarqanddan onasiga yozgan she’riy maktubi “Oq yuvib, oq tarab” she’ridan

7. U. Nosir kimlarni o’ziga ustoz deb bilgan? – Cho’lpon, Fitrat, A. Qodiriy

8. Shoir bir she’rida “Eng dahshatli sukunat – shoir jim yursa” deydi. U qaysi shoir edi? – Xurshid Davron

9. “Yur, tog’larga chiqaylik”, “Yo’lchi”, “Yoshlik”, “Bolaligimga” “Gulzor – chaman”, “Yurganmisiz birga oy

bilan” she’rlari qaysi ijodkor qalamiga mansub? – U. Nosir

10. Usmon Nosirning qaysi she’rida “bir pallasi bahor toshi bilan og’ir” degan ifoda qo’llangan?

– “Yoshlik” she’rida

11. She’r so’zining ma’nosi? – Arabcha “shuur” so’zidan olingan.

12. U. Nosirning qaysi she’rida lirik qahramon agar vatanni himoya qila olmasa o’zini brauning –

to’pponcha bilan otib qurbon qilishga tayyorligi aytilgan? – “Gulzor – chaman” she’rida

13. U. Nosir Sibir o’lkasiga surgun qilinganda necha yoshda edi? – 24 yoshda

14. U. Nosirning qaysi asarida “Tun qancha qora bo’lsa, oy shuncha yorug’” degan misralar bitilgan?

– “Nil va Rim” nomli tarixiy asarida

15. U. Nosir o’zining qisqa ijodi davomida qancha asar yaratgan?

– 5ta she’riy to’plam, 4ta drama, qator dostonlar yozib qoldirgan.

16. U. Nosirning tarjimonlik faoliyati haqida?

– Pushkinning “Bog’chasaroy fontani”, M.Y. Lermontovning “Iblis”, N. A. Dobrolyubovning “Haqiqiy

kun qachon keladi?” singari yirik asarlari, Geyne, Gyote, Bayron she’rlarini tarjima qilgan.

17. U. Nosirning “Yoshlik”, “Gulzor – chaman” she’rlari qachon yozilgan? – 1934-yil

18. She’r deb nimaga aytiladi? – Ohang jihatidan ma’lum bir tartibga solingan, his-tuyg’u ifodasi sifatida

yaratilgan hissiy nutq she’r (nazm) deyiladi.

19. Buyuk rus tanqidchisi Dobrolyubov she’r uchun 3 xususiyat zarurligini ta’kidlagan. Bu 3 xususiyat qaysi?

– ezgulik, go’zallik, donolik.

20. She’r tuzilishining asosini nima tashkil etadi? – Ritmik o’lchov – hijo tashkil etadi.

21. Aruz vazni nimaga asoslanadi? – Aruz vazni hijolarning cho’ziq va qisqaligi, ya’ni sifatiga asoslanadi.

22. Barmoq vazni nimaga asoslanadi? – Misralardagi hijolarning miqdoriga

23. Barmoq vaznida yozilgan she’rlar asosan necha bo’g’indan tuzilgan bo’ladi?

– 5, 6, 7, 8, 9 va undan ortiq hijolardan tuziladi.

24. Turoq deb nimaga aytiladi?

– She’rda misralarning o’z ichki bo’linishlari asosida o’ziga xos ohangdorlikni tashkil etishi turoq deyiladi.

25. Qanday she’rlar oq she’r deyiladi? – Qofiyasiz she’rlar oq she’r deyiladi.Oq she’rda vazn saqlanadi,

lekin qofiya bo’lmaydi, ya’ni qofiyaning o’rni oq qoladi

26. Oq she’r vaznida yozilgan asarlar? – M. Shayxzodaning “Mirzo Ulug’bek” tragediyasi, Sofoklning

“Shoh Edip”, U. Shekspirning “Otello”, “Gamlet”, “Qirol Lir”, “Romeo va Julyetta”.

27. Sarbast (erkin) she’r shakli haqida?

– bunda misralardagi hijolarning qisqa yoki cho’ziqligi, ularning miqdori hech qanday ahamiyatga ega

emas. Bunda misralar turlicha turoqlanadi, turlicha qofiyalanadi, ya’ni erkin bo’ladi.