|
1-вазиятли топшириқ
“Хар кимнинг дидига мос”, “хар кимнинг эхтиёжига хос”
Ахмад-аканинг оилавий бизнеси нон пишириш - хисобланади. Нонни унинг отаси Азиз-ота ва бобоси Тохир-ота пиширган. Ўзбекистон Республикаси мустақилликка эришгандан сўнг кўп кишиларга нонвойлар бўлиш йулини очиб берди. Ахмад-ака ишлаётган махаллада уч киши нон пиширади. Бизнесни сақлаш ва реализация қилиш осон бўлмаяпти. Бирон бир алоҳида хеч кимга ўхшамаган йўлни топиш керакки, катта обрўга ва даромадга эга бўлсин. Ахмад-аканинг махалласида одамларнинг кўп қисми турли ҳил даромадли оилалар яшамоқда, ёнида иккита ошхонаси бор, бу ошхона нонларни майда улгуржи сотади, чунки нонларнинг нархи шахар бўйича тахминан бир хил. Нонларнинг ташқи кўриниши асосан стандарт шаклида эди. Шунинг учун Ахмад-ака уч йил олдин институтни тугатган қўшниси билан маслахатлашмоқчи бўлди. Қўшнисининг касби маркетолог эди. Ахмад-аканинг гапига қулоқ солиб, у кўпгина саволлар бера бошлади: ким асосан нонларни харид қилади, қанча, харидорлар ноннинг сифати тўғрисида қанақа фикрларни билдиришган, нархи уларни қониқтирганми ёки йўқми. Ахмад-акага қўшниси томонидан маслахат бирданига берилмади, вақт ўтиши билан у қуйидаги таклифни киритди.
«Ахмад-ака сиз ўртача хажмда, лекин сифатли нонларни пиширинг. Уларнинг нархи патирдан анча паст, лекин оддий нондан баланд бўлиши керак. Кўрасиз, сизнинг нонингиз харидорларнинг талабини тўлиқ қондиради ва ошхоналарида уларга бўлган талаб анча ошади.»
Қўшнисининг маслахатини Ахмад-ака бир ой ичида хаётга тадбиқ қилди ва сотиш хажми 1,5 баравар ошди. Нонни ошхоналар кўпроқ олишни бошлади, лекин энг қизиғи бу нонни паст, ўрта ва баланд даромадли одамлар хам олишни бошлади.
Саволлар:
Ёш маркетолог ғояси нимага асосланган эди ва таклиф тузилишида нима хисобга олинган эди?
Маркетингнинг қайси стратегияси ёш маркетолог орқали нонвойчига таклиф қилинди?
Нарх сиёсатининг хусусиятлари нимада?
2-вазиятли топшириқ:
Ўзбекистон бозоридаги голландиялик гуллар.
Бахтиёр бизнес билан 80 йилларнинг охирида шуғулланишни бошлади, ўша вактларда Ўзбекистонда бизнес тўғрисида кишилар юзаки билимларга эга эди. Бошида у, битта нарсани бир жойдан олиб, бошқа жойда сотган эди, кейинчалик кўчмас мулк билан шуғалланишга ўтди. Ўша вақтларда даромадли сохаларида қилинган яхши фаолияти, капитални кўпайишига олиб келди. Лекин тадбиркорлик қилиш хохиши кетмаган эди. Бахтиёр дўстларидан ўтган йилда гул сотиш бизнеси жуда катта даромад келтиришини билиб олди. Шунинг учун у голландиялик шерикларининг Голландиядан гулларни юбориш тўғрисидаги таклифидан фойдаланмоқчи бўлди.
Гулларни олиб келиш нархи (поставка) Голландия бозорларида сотиладиган гулларнинг нархларидан 3 баравар паст эди, букетлари эса хатто европаликлар учун хам жуда ёқимли эди.
Бахтиёр ўзининг шахсий савдо дўконига эга бўлмаган эди, шунинг учун у мини-маркет дўконига эга бўлган тадбиркор таниши билан келишди. У эса гуллар учун алохида жой ажратиб беришини ваъда қилди ва галантерия бўлимидан сотувчиларга гулни хам сотиш вазифасини айтди.
Гул сотиш вақти жуда қулай эди, бир хафтадан кейин 8 март, шунинг учун у улгуржи харидорларга гулларини Сотишни хаёлига хам келтирмаган эди.
Бир ой ўтди, лекин мини-маркетнинг янги секцияси атиги 10% хам Бахтиёр келтирган гулларни сотгани йўқ. Сотувчиларнинг хамда мини-маркетга кирадиган одамларнинг фикриларича Голландия учун паст хисобланган нархлар Ўзбекистон харидорлари учун жуда баланд бўлди, харидорларнинг кўп қисми байрамга ўзимизнинг гвоздикаларни олишди.
Пули бор бўлган бизнесменлар чиройли голландиялик гуллар тўғрисида кечикиб қолган реклама орқали билганда, мини-маркет кўрсатаётган хизматлардан фойдалана олмади, чунки магазин олдида автомашиналарни кўйиш мумкин эмас эди.
Саволлар:
Ўзининг тадбиркорлик ғоясинн хаётга тадбиқ қилиш учун Бахтиёр қандай хатоларга йўл қўйди?
Голландиялик гулларни етказиб берувчилар олдида Бахтиёр бирон бир афзалликларга эга бўлганми, маркетинг нуқтаи назаридан гулларни сотиш учун унга нима тўсқинлик қилган?
Келгуси йилда қўйилган хатоларни тузатиш учун Сиз нималарни унга маслахат берар эдиз?
Do'stlaringiz bilan baham: |
