1. Gadoiy haqida nimalarni bilasiz? Gadoiy devonida qanday lirik turga oid she’rlar jamlangan?

Mubtalo bo‘ldi yana…
Ohkim, devona ko‘nglum, mubtalo bo‘ldi yana,
Bu ko‘ngilning ilkidin jong‘a, balo bo‘ldi yana.
Do‘sttin oyirdi bu charxi jafogustar* yana,
Ey darig‘o, hojati dushman ravo bo‘ldi yana.
Necha bo‘lsun, soqiyo, oxir g‘ubori xotirim*,
Tut mayi sofiyki*, hangomi safo* bo‘ldi yana.
Xushdurur oyo pari paykar bila gulkashtkim
Bo‘ston-u bog‘i Eramtek, dilkusho bo‘ldi yana.
Oh evindin qo‘ymas erdin chiqqali, ey shum raqib,
Shukrlillah, borikim, yuzung qaro bo‘ldi yana.
Chini zulfindin dam urmog‘liq ne nisbat, ey abir*,
Bu kinoyat bori sendin, bas, xato bo‘ldi yana.
Shod bo‘lg‘il, ey Gadokim, mavsumi navro‘zidin,
Gulbuni ummid* bobarg-u* navo bo‘ldi yana.
Yuqoridagi g’azal ananaviy yeti baytdan iborat bo’lib ishqiy mavzuda yozilgan g’azal hisoblanadi. Shoir g’azalning maqtasida ko’ngliga shikoyati bilan boshlaydi, ya’ni bu devona ko’nglining oshiq bo’lganligini aytadi. Ikkinchi bayta jabr qiluvchi, ya’ni yori do’stidan ayirib dushmaniga ravo qilganini aytadi. Shoir ushbu g’azalda may tasvirinidan foydalangani uchun bu rindona g’azal hisoblanadi. Maqtada shoir o’z taxallusini qo’llaydi. Shuningdek, ushbu g’azalda bo’ldi yana so’zi radif bo’lib, mubtalo, balo, safo, qaro, navo kabi so’zlar qofiyadosh so’zlar bo’lib, ohangdorlikni ta’minlagan.
* jafogustar – jafo qiluvchi, jafokor
* g‘ubori xotir – xotira (ko‘ngil g‘ashligi)
* sofiy – sof, toza, soflik, tiniqlik
* hangomi safo – soflik vaqti
* abir – anbar, iðor. ko‘ch. yoqimli hid
* gulbuni ummid – umid niholi
* bobarg – bargli

Mavzu: Gadoiy she’riyati tahlili
TEST
1. Devonning qo‘lyozmasi hajmi 66 varaq bo‘lib, shoirning 230 g‘azali, 1 qasidasi, 1 mustazodi va 5 to‘rtlikdan iborat. Gap kimning devoni haqida ketmoqda?
A. Atoyi
B. Sakkokiy
C. Lutfiy
D. Gadoiy
2. Gadoiy haqidagi dastlabki ma’lumot kimning qaysi asqrida uchraydi?
A. Rabg’uziy “Qisasi Rabg’uziy”da
B. Navoiy “Majolis un-nafois”da
C. Navoiy “Mahokamat ul-lug’atayin”da
D. Devoni hikmatda
3. Gadoiy devoninig qo’lyozmasi qayerda saqlanadi?
A. Parij Milliy kutubxonasida saqlanadi
B. Istanbul kutubxonasida
C. London kutubxonasida
D. Sankt Peterburg kutubxonasida