1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

8.	Arizani ko‘rib chiqish muddatlari:
10 ish kuni. Litsenziyalashda Vazirlar Mahkamasining Axborot faoliyati va ma’lumotlar uzatishni takomillashtirish va samaradorligini oshirish bo‘yicha idoralararo muvofiqlashtirish komissiyasi bilan kelishish lozim bo‘lgan hollarda 25 ish kuni.
9.	Litsenziya talablari va shartlari:	litsenziya har bir litsenziyalanadigan faoliyat turi uchun alohida beriladi: a) litsenziat tomonidan telekommunikatsiya sohasidagi qonunchilik hujjatlariga rioya etilishi; b) O‘zbekiston Respublikasi qonunchilik hujjatlarida belgilangan tartibda telekommunikatsiyalarning texnik vositalarini sertifikatlashni ta’minlash; v) ko‘rsatiladigan xizmatlarning belgilangan sifat me’yorlarini ta’minlash; g) tarmoqlararo qo‘shilishlarni tashkil etish, boshqa operatorlar va provayderlarga o‘z tarmog‘idan foydalanish, shuningdek, ular o‘rtasida o‘zaro hisob-kitob shartlari va tartibi mavjudligi; d) texnik protokollar va tarmoqlararo qo‘shilishlar spetsifikatsiyalarining nomi, tarmoqlarni nomerlash rejasi, telekommunikatsiyalar vositalaridan foydalanish tavsiflarining mavjudligi; e) davlat xavfsizligi va mudofaa qobiliyati, huquqni muhofaza qilish organlari manfaatlari yo‘lida va alohida muhim ijtimoiy-siyosiy tadbirlarni o‘tkazishda telekommunikatsiyalar vositalari ishlarini ta’minlash bo‘yicha maxsus talablarga rioya etilishi; j) xizmatlar ko‘rsatish shartlari, tariflar va axborot ma’lumotlarini mijozlarga rasmiy veb-saytlari orqali yetkazish, shu jumladan, teleko‘rsatuvlar jadvalini ommaviy axborot vositalarida e’lon qilish; z) telefon orqali gaplashishlar, telegraf va telekommunikatsiyalar tarmoqlari bo‘yicha beriladigan boshqa xabarlarning maxfiyligini, axborot xavfsizligini, shu jumladan, telekommunikatsiyalar obyektlari va inshootlari xavfsizligini ta’minlash;* i) favqulodda holatlarda, shuningdek, operativ-qidiruv tadbirlarini o‘tkazish uchun asbob-uskunalarni o‘rnatish va ularning ishlashini ta’minlash bo‘yicha telekommunikatsiyalar tarmoqlarini tayyorlab qo‘yish va ularni ishlatish;* y) umumdavlat vazifalarini hal etish uchun telekommunikatsiyalarni rivojlantirishning milliy dasturlarini amalga oshirishda ishtirok etish; k) atrof muhitni va inson salomatligini muhofaza qilish, xavfsizlik texnikasi va mehnatni muhofaza qilish, yong‘in xavfsizligi va sanoat sanitariyasi qoidalariga rioya etish; l) litsenziyalanadigan faoliyat to‘g‘risidagi ma’lumotlarni litsenziyalovchi va nazorat qiluvchi organga berish; m) O‘zbekiston Respublikasi qonunchilik hujjatlariga muvofiq telekommunikatsiyalar xizmatlaridan foydalanishda imtiyozlar va afzalliklar berish; n) teleradioeshittirishlarni tarqatish (translatsiya qilish) xizmatlari ko‘rsatish uchun vakolatli organda ommaviy axborot vositasi sifatida davlat ro‘yxatidan (qayta ro‘yxatdan) o‘tish;* o) telekommunikatsiyalar tarmoqlarini loyihalashtirish va (yoki) q�rish uchun litsenziya olishda — yuridik shaxs shtatida telekommunikatsiyalar tarmoqlarini loyihalashtirish va qurish bo‘yicha kamida uch yil ish stajiga, oliy texnik ma’lumotga ega bo‘lgan kamida ikki nafar mutaxassisning mavjud bo‘lishi; p) teleradiomahsulotlarni va Internet orqali kontent tarqatishda mualliflik va turdosh huquqlar sohasidagi qonunchilik talablariga rioya etish.