1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

Kannabis o‘simligini va uni qayta ishlash mahsulotlarini hisobga olish va tarkibidagi TGKni aniqlash uchun testdan o‘tkazishda litsenziatga qo‘yiladigan talablar:
yy) kannabis o‘simligi va uni qayta ishlash mahsulotlari tarkibidagi TGKni aniqlash bo‘yicha laboratoriya sinovlari akkreditatsiya qilingan laboratoriyalarda hamda litsenziat laboratoriyalarida (mustaqil ekspertiza) amalga oshirilishiga yo‘l qo‘yiladi.
Laboratoriya sinovlari o‘tkazishdan maqsad kannabis o‘simligi namunalarining quruq vazni tarkibidagi TGK miqdorini aniqlashdan iborat.
Bunda laboratoriya sinovlari uchun to‘lovlar litsenziat hisobidan amalga oshiriladi;
kk) TGKni testdan o‘tkazish amaldagi metodikaga muvofiq gazli yoki suyuqlik xromotografida amalga oshiriladi;
ll) ekin maydonining bitta konturida yoki omborxonada tarkibida TGK me’yordan ortiq bo‘lgan kannabis o‘simligi namunalari aniqlanganda, ekin maydonining barcha konturlaridan yoki omborxonalardan olingan kannabis o‘simligi namunalari majburiy tartibda laboratoriya sinovidan o‘tkaziladi;
mm) kannabis o‘simligi va uning qayta ishlash mahsulotlari tarkibida TGK me’yordan (0,2 foizdan) yuqori bo‘lgan namunalar aniqlanganda, uni yo‘q qilish giyohvand vositalari, psixotrop moddalar va prekursorlarni yo‘q qilish bo‘yicha qonun hujjatlarida belgilangan tartibda amalga oshiriladi;
nn) namunalar tarkibida TGK me’yordan ortiq ekanligi aniqlangan ekin maydoni konturida yetishtirilgan yoki omborxonalarda saqlanayotgan barcha kannabis o‘simligi va uning qayta ishlash mahsulotlari amaldagi qonun hujjatlariga muvofiq olib qo‘yiladi va yo‘q qilinadi.
Namunalar tarkibida TGK me’yordan ortiq ekanligi aniqlangan kannabis o‘simligini �a uning qayta ishlash mahsulotlarini yo‘q qilish litsenziatning kuchi va vositalari bilan komission tartibda litsenziat, litsenziyalovchi organ va huquqni muhofaza qilish organlari vakillari ishtirokida amalga oshiriladi;
oo) kannabis o‘simligi hosilini yig‘ish va mahsulot harakatining barcha jarayonlari omborxona bo‘limi (sex)dagi qayd etish daftarida yozib boriladi;
pp) litsenziat majburiy tartibda quyidagilarning hisobini yuritadi:
kannabis o‘simligi urug‘ini yoki ko‘chatini xarid qilish hujjatlarining asli;
kannabis o‘simligi urug‘ini ishlatish va (yoki) ko‘chatlar sonining vazni;
ishlab chiqarilgan tayyor ko‘chatlar soni;
yo‘q qilingan kannabis o‘simligining namlik xususiyatlarini inobatga olgan holdagi vazni;
o‘simlik qoldiqlari va buzilgan o‘simlik to‘qimaning vazni;
rr) qayd etish daftaridagi har bir qayd o‘rganish uchun jalb etilgan litsenziyalovchi organ va huquqni muhofaza qiluvchi organ vakillari tomonidan tasdiqlanishi shart.
Litsenziat litsenziyalovchi organ va huquqni muhofaza qiluvchi organ vakillariga qayd etish daftarini ko‘rish imkoniyatini yaratib berishga majburdir.