a) ishlab chiqarish va saqlash inshootlarining, shuningdek, texnologik uskunalarning qonunchilikda belgilangan sanitariya-gigiyena talablariga muvofiqligi to‘g‘risida hududiy Sanitariya-epidemiologik osoyishtalik va jamoat salomatligi xizmati organining xulosasi;
b) ishlab chiqarishning qonunchilikda belgilangan mehnatni muhofaza qilish va texnika xavfsizligi talablariga muvofiqligi to‘g‘risida O‘zbekiston Respublikasi Bandlik va mehnat munosabatlari vazirligining hududiy boshqarmalari xulosasi;
v) ishlab chiqarishning, ishlab chiqarish va saqlash binolarining qonunchilikda belgilangan yong‘in xavfsizligi talablariga muvofiqligi to‘g‘risida hududiy yongin nazorati organining xulosasi;
g) O‘zbekiston texnik jihatdan tartibga solish agentligining ishlab chiqariladigan mahsulotning sifati va xavfsizligini nazorat qilish uchun zarur bo‘lgan texnik tartibga solish sohasidagi normativ hujjatlar hamda o‘lchash jihozlari bilan ta’minlanganligi to‘g‘risidagi xulosasi;
d) iste’mol va texnik etil spirti, alkogol mahsulotlari ishlab chiqaruvchi tashkilotlar (bino, inshootlar, ishlab chiqarish quvvatlari va hokazo) qurilganda va yangisi tashkil etilganda, shuningdek, mavjud ishlab chiqarish quvvatlari kengaytirilganda O‘zbekiston Respublikasi Iqtisodiy taraqqiyot va kambag‘allikni qisqartirish vazirligining taklif etilayotgan yangi quvvatlarni tashkil etilishning iqtisodiy jihatdan maqsadga muvofiqligi to‘g‘risidagi xulosasi.
11.
Litsenziyaning amal qilish muddati:
cheklanmagan
12.
Izoh.
Xorijiy etil spirtidan foydalangan holda alkogol mahsulotlari ishlab chiqarishga yo‘l qo‘yilmaydi.
* Qo‘pol ravishda buzish deb hisoblanadigan talab va shartlar. Litsenziyalovchi organ litsenziat tomonidan faoliyatni amalga oshirishda litsenziya talablariga rioya qilinmaganda jarima ko‘rinishida quyidagi moliyaviy sanksiyalarni qo‘llaydi:
a) aroq, shuningdek, iste’mol etil spirtidan aroq va likyor-aroq mahsulotlari ishlab chiqarish bo‘yicha mavjud yillik ishlab chiqarish quvvatlari quyidagidan kam bo‘lmagan miqdorda ishlatilishini ta’minlamaslik:
60 foizdan — bazaviy hisoblash miqdorining 150 barobari miqdorida;
40 foizdan — bazaviy hisoblash miqdorining 250 barobari miqdorida;
b) aroq ishlab chiqarmaydigan tashkilotlarda iste’mol etil spirtidan likyor-aroq mahsulotlari ishlab chiqarish bo‘yicha mavjud yillik ishlab chiqarish quvvatlari quyidagidan kam bo‘lmagan miqdorda ishlatilishini ta’minlamaslik:
50 foizdan — bazaviy hisoblash miqdorining 150 barobari miqdorida;
30 foizdan — bazaviy hisoblash miqdorining 250 barobari miqdorida;
v) boshqa turdagi spirtdan (rekgifikatlangan iste’mol etil spirti, konyak distillyati va meva, uzumdan rektifikatlangan etil spirtidan tashqari) foydalangan holda alkogol mahsulotlari ishlab chiqarish, shuningdek, xorijiy etil spirtidan foydalangan holda alkogol mahsulotlari ishlab chiqarish — ishlab chiqarilgan mahsulot bahosining (ulgurji narxlarda) 200 foizi miqdorida, biroq bazaviy hisoblash miqdorining 150 barobaridan kam bo‘lmagan miqdorda;
g) etil spirti va alkogol mahsulotlarini litsenziya olish chog‘ida arizada kiritilmagan saqlash joylarida saqlash — bunday saqlash joylarida bo‘lgan mahsulot qiymatining 100 foizi miqdorida, biroq bazaviy hisoblash miqdorining 150 barobaridan kam bo‘lmagan miqdorda;
d) tashkilotlar tomonidan alkogol mahsulotlarini bunday mahsulotga belgilangan eng kam ulgurji narxlardan past narxlarda sotish:
alkogol mahsulotlarini (pivodan tashqari) ishlab chiqaruvchi tashkilot tomonidan qonunchilik hujjatlarida belgilangan minimal ulgurji-sotish narxlaridan past narxlarda sotilgan qiymatning 20 foizi miqdorida, biroq bazaviy hisoblash miqdorining 100 barobaridan kam bo‘lmagan miqdorda;
jarima qo‘llanilgandan keyin bir yil mobaynida aynan o‘sha qoida buzish takroran aniqlanganda — alkogol mahsulotlarini (pivodan tashqari) ishlab chiqargan tashkilot tomonidan qonunchilik hujjatlarida belgilangan minimal ulgurji-sotish narxlaridan past narxlarda sotilgan qiymatning 50 foizi miqdorida, biroq bazaviy hisoblash miqdorining 200 barobaridan kam bo‘lmagan miqdorda;
e) iste’mol etil spirtini 50 foizlik oldindan to‘lovsiz sotish — olib chiqib ketilgan yoki tashiladigan mahsulotning 50 foizi qiymati, biroq bazaviy hisoblash miqdorining 150 barobaridan kam bo‘lmagan miqdorda;
j) alkogol mahsulotini (pivo mahsuloti, ko‘piklanadigan va tabiiy vinodan tashqari) alkogol mahsulotlarining ulgurji savdosini amalga oshirish bo‘yicha litsenziyaga ega bo‘lmagan shaxsga sotish — olib chiqib ketilgan yoki tashiladigan mahsulotning 100 foizi qiymati, biroq bazaviy hisoblash miqdorining 50 barobaridan kam bo‘lmagan miqdorda;
z) iste’mol etil spirti va alkogol mahsulotini Hisobga olish axborot tizimi hisobiga kiritmasdan ishlab chiqarish va (yoki) muomalaga chiqarish — bazaviy hisoblash miqdorining 50 barobari miqdorida;
i) Hisobga olish axborot tizimiga ishlab chiqarilgan va (yoki) muomalaga chiqarilgan iste’mol etil spirti, alkogol mahsuloti hajmlari to‘g‘risidagi ma’lumotlarni taqdim etmaslik yoki o‘z vaqtida taqdim etmaslik yoxud ishonchli bo‘lmagan ma’lumotlarni taqdim etish — bazaviy hisoblash miqdorining 50 barobari miqdorida;
y) boshqa litsenziya talablarining bajarilmasligi — bazaviy hisoblash miqdorining 50 barobari miqdorida.
Litsenziya talablari va shartlarini buzganlik uchun to‘lanadigan jarimalar O‘zbekiston Respublikasi Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamg‘armasiga kirim qilinadi.
Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga
8-ILOVA
Alkogol mahsulotlarining ulgurji savdosi faoliyatini litsenziyalash
PASPORTI
