1. Ёшлар ва коммуникацияларнинг мобиллиги

2.2 Медиа ва ижодкор ёшлар
Медиа турли идеал, қадрият ва дунёқарашларни таклиф этади. Касбий нуқтаи
назардан, ёшлар тақдим этилаётган медиа моделлар орқали ўзининг ижодий
қиёфасини белгилаб олади, турли масс-медиаларда етакчилик қилаётган устоз-
журналистлар имижи билан ўзини қиёслаб кўради. Телекўрсатув, ижтимоий медиа
ва контентнинг бошқа кўринишлари воситасида ижодкор ёшлар шахсий контенти
орқали ўз қадриятларини ва олам билан муносабатларини шакллантиради.
23
Яратилаётган медиаресурс орқали улар ўз тенгдошларига таъсир кўрсатиши,
ижтимоий хулқ-атвор ва хатти-ҳаракатнинг маълум моделларини таклиф этиши
мумкин.
Ижодкор ёшлар медиаконтенти ўзликни англаш ва дунёқарашни
шакллантириш омили сифатида
Ижодкор ёшлар бошқа тенгдошларидан ўзини намоён этишга бўлган алоҳида
интилиши билан ажралиб туради. Ушбу жиҳат улар шахси ва касбий
дунёқарашининг шаклланишида муҳим аҳамиятга эга. Медиалар эса улар турли
роллар, моделлар ва тажрибалар воситасида ўзининг мақсад сари интилишини
кўрсатиш учун универсал макон сифатида хизмат қилади. Бу ўринда гап ижодкор
шахс мустақиллиги, фикр ва ҳис-туйғуларининг англанганлигини назарда тутувчи
ўзлик ҳақида бормоқда. Шунинг асосида ижодкор ёшларда изчил тарзда юқори
даражадаги мустақиллик, ўзини англаш ва аниқ натижаларни кўзлаш асосида юзага
келувчи танқидий тафаккур шаклланади.
Шубҳасиз, ёшларнинг ўзига баҳо бериши ва ўзлигини англаши ташқи
таъсирлардан ҳоли бўлмайди. Медиа уларга ўзига хос тарзда босим ўтказади. Чунки
одатда, улар ўзини намоён этаётган медиаресурс бошқаларнинг меҳнати маҳсули
ҳам бўлиши мумкин. Бундай ҳолатда ўз ичига турлича йўналиш ва мазмундаги
қадриятларни олган медиахабарларни танқидий кўриб чиқиш кўникмасининг
мавжудлиги муҳим. Медиатаълим ижодкор ёшларнинг онгини, ўзига ва
атрофдагиларга бўлган муносабатини ривожлантиришда, ўзини оламнинг бир
қисми сифатида тасаввур этишида турли имкониятларни таклиф этади.
Бу ўринда уларнинг ўзликни намоён этишнинг қудратли визуал воситаси
бўлган ижтимоий тармоқлар фаолиятига аралашуви муҳим аҳамият касб этади. Шу
маънода, уларда таниқли медиашахсларга тақлид қилишни эмас, балки ёш ўзининг
феъл атворини, касбий қиёфасини, ижодий “мен”ини яратиш ва мустаҳкамлашга
хизмат қиладиган шахсий хатти-ҳаракат моделини шакллантириш муҳимдир.