|
2-бўлим. Никоҳни қайд этиш
64. Никоҳга кирувчилар томонидан тақдим этилган аризалар шу куннинг ўзида махсус дафтарга рўйхатга олиниб, аризанинг қайд этилган санаси ва рақами ҳамда никоҳни қайд этиш тайинланган санаси ёзиб қўйилади (24-илова).
Ариза қабул қилинган вақтида никоҳланувчи шахсларга тиббий кўрикка берилган йўлланмалар рақами аризанинг кирим рақамига дробь орқали тартиб билан қўшиб борилади.
65. Никоҳга кириш ҳақида белгиланган шаклда тўлдирилган аризадаги маълумотлар никоҳга кирувчиларнинг шахсини тасдиқловчи ҳужжатлари асосида аниқ ёзилиши ва аризани қабул қилувчи масъул ходим иштирокида имзоланиши ҳамда у томонидан аризада кўрсатилган маълумотлар аризачиларнинг шахсини тасдиқловчи ҳужжатлари (паспорт, офицерларнинг шахсини тасдиқловчи гувоҳномаси) билан текшириб қабул қилиниши лозим (25-илова).
Ариза 2 қисмдан иборат бўлиб, унинг биринчи қисми топшириш вақтида тўлдирилиб, ўша кундаги сана ёзилади. 2-қисми эса, никоҳланувчилар белгиланган тартибда тиббий кўрикдан ўтганларидан кейин, ФҲДЁ органига тиббий маълумотномалар тақдим этилган вақтида тўлдирилади ва шу куннинг санаси қўйилади.
ИИБ томонидан вақтинча паспорт ўрнига берилган маълумотнома (Ф № 9 — Ўзбекистон фуқаролари учун, Ф № 36-фуқаролиги бўлмаган шахслар учун) билан никоҳ қайд этишга йўл қўйилмайди.
66. Узрли сабаблар бўлганда ФҲДЁ органи бир ой ўтгунга қадар никоҳ тузишга рухсат бериши мумкин.
Никоҳни қайд этиш алоҳида ҳоллар (ҳомиладорлик, бола туғилиши, бир тарафнинг касаллиги ва бошқалар)да ариза берилган куни амалга оширилиши мумкин. Бундай ҳолда муддатни қисқартириш сабаби никоҳга кириш ҳақида аризанинг юқори чап бурчагига ёзилиб асослантирилади ва мудирнинг имзоси билан тасдиқланади.
Олдинги таҳрирга қаранг.
67. Никоҳга кириш ҳақидаги қабул қилинган аризалар никоҳ қайд этилгунгача алоҳида йиғмажилдларда сақлаб турилади. Чет эл фуқаролари билан никоҳни қайд этишда, аризага чет эл фуқаросининг шахсини тасдиқловчи ҳужжатнинг нусхаси ва таржимаси ҳамда никоҳда турмаслиги ҳақидаги, яъни оилавий аҳволини тасдиқловчи ҳужжатлар белгиланган тартибда легализация қилинган ҳолда илова қилинади.
68. Белгиланган муддатда йўқланмаган аризалар алоҳида йиғмажилдга тикилиб борилади ва узрли сабаблар бўлганда никоҳни қайд этиш белгиланган кундан бошлаб, уч ой давомида йўқланган аризалар бўйича никоҳ қайд этилиши мумкин. Бундай ҳолда никоҳга кириш ҳақида аризанинг орқа тарафидаги бўш жойга никоҳланувчилар томонидан белгиланган муддатга келолмаганлик сабаби, никоҳни қайд эттириш истаги ва шу куннинг санаси ёзилиб, имзолар қўйилади.
69. Ариза берилган кундан бошлаб, тўрт ойлик муддатда йўқланмаган аризалар аризачиларнинг фамилияси, исми, ариза берилган ва никоҳ қайд этиш белгиланган саналари кўрсатилиб, тузилган далолатнома асосида ёқиб юбориш йўли билан йўқ қилинади ва далолатномалар алоҳида йиғмажилдга тикиб борилади.
Тўрт ойлик муддатдан кейин никоҳга кириш истагини билдирган шахслар никоҳга кириш ҳақида қайта ариза билан мурожаат этадилар.
70. Никоҳлари қайд этилган шахсларнинг аризалари тиббий кўрик маълумотномалари билан биргаликда, заруратига қараб, ойлик, чорак ва йиллик қайд этилган далолатнома ёзуви тартибига қатъий амал қилган ҳолда, тикиб борилади ҳамда йиғмажилднинг ички чап томонида тегишли маълумотлар ёзиб борилади (26-илова).
701. Алоҳида ҳолларда, истисно тариқасида (агар ота-онаси ва никоҳланувчилар Ўзбекистон Республикасининг турли ҳудудларида яшаб турган бўлсалар) отаси ёки онасининг ёзма аризасига кўра, никоҳ ота-онасининг ёки никоҳланувчилардан бирининг яшаш жойидаги ФҲДЁ органида қайд этилиши мумкин ҳамда бу тўғрисида ФҲДЁ органи томонидан никоҳланувчиларнинг яшаб турган жойларидаги ФҲДЁ архивларига хабарнома юборилиши лозим. Ушбу олинган хабарномалар асосида ФҲДЁ архивлари томонидан алоҳида тегишли алфавит дафтарлари юритилади.
Qoidalarning 28-30 bandlariga asosan topib olingan (tashlab ketilgan) bolaning tug‘ilganligini qayd etish ichki ishlar, vasiylik va homiylik organlari, bola joylashgan muassasa ma’muriyati yoki tibbiyot muassasasining arizasiga binoan amalga oshiriladi. Bolani topib olgan shaxs bu haqda yigirma to‘rt soat mobaynida ushbu tumandagi ichki ishlar organiga yoki vasiylik va homiylik organiga xabar berishi kerak.
Topib olingan (tashlab ketilgan) bolaning tug‘ilganligini qayd etishda quyidagi hujjatlar talab qilinadi:
ichki ishlar organi yoki vasiylik va homiylik organining bolaning topib olingan vaqti, joyi va topib olingan paytdagi holati to‘g‘risidagi dalolatnomasi;
tibbiy muassasaning topib olingan (tashlab ketilgan) bolaning yoshi, jinsi, vazni va bo‘yi haqidagi ma’lumotnomasi.
Topib olingan (tashlab ketilgan) bolaning tug‘ilganlik haqidagi dalolatnoma yozuviga ota-onasining familiyasi, ismi va millati to‘g‘risidagi ma’lumotlar mazkur Qoidalarning 28-bandida sanab o‘tilgan organlarning ko‘rsatmalari asosida kiritiladi. Bunday holda bolaning va bolaning ota-onasi sifatida ko‘rsatilgan shaxslarning familiyasi bir xilda yoziladi.
“Belgilar uchun”ustuniga “Bola topilgan”yoki “Tashlab ketilgan”deb yoziladi va ota-onasi haqidagi ma’lumotlar kimning ko‘rsatmasiga asosan yozilganligi ko‘rsatiladi.
Do'stlaringiz bilan baham: |
