1. Davlat va jamiyat qurilishi / Davlat mukofotlari. Faxriy unvonlar. Yuqori darajalar va farqlovchi belgilar

Download 67,11 Kb.

bet	2/2
Sana	03.07.2022
Hajmi	67,11 Kb.
	#737216

1 2

Bog'liq
786 02.10.2018

Bosqichlar

Mas’ullar

Amalga oshiriladigan tadbirlar

Amalga oshirish muddati

I
bosqich

Davlat va nodavlat notijorat tashkilotlari, tadbirkorlik subyektlari, tashabbuskor fuqarolar

1. Ko‘krak nishoni bilan taqdirlashga oid dastlabki takliflarni shakllantiradi.
2. Ishlab chiqilgan takliflarni tuman (shahar) hokimliklarida tuzilgan komissiyaga taqdim etadi.

har yili
1-apreldan
30-aprelgacha

II
bosqich

Tuman (shahar) hokimliklarida tuzilgan komissiyalar

1. Taqdim etilgan takliflarni hudud yoki respublika ehtiyojlaridan kelib chiqib hamda innovatsion g‘oya va texnologiyalarni ushbu hududga tatbiq etish darajasini hisobga olgan holda o‘rganib chiqadi.
2. Ko‘krak nishoni bilan taqdirlashga nomzodlar bo‘yicha tavsiyalarni tegishlicha Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga taqdim etadi.

har yili
1-iyungacha

Oliy ta’lim muassasalarida tuzilgan komissiyalar

1. Ko‘krak nishoni bilan taqdirlashga tavsiya qilingan nomzodlar bo‘yicha hujjatlarni ko‘rib chiqadi va ilmiy kengash qarori bilan tasdiqlaydi.
2. Ko‘krak nishoni bilan taqdirlashga nomzodlar bo‘yicha tavsiyalarni tegishlicha Qoraqalpog‘iston Respu�likasi Vazirlar Kengashi, viloyatlar va Toshkent shahar hokimliklariga taqdim etadi.

har yili
1-iyungacha

III
bosqich

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

1. Ko‘krak nishoni bilan taqdirlashga tavsiya qilingan nomzodlar bo‘yicha hujjatlarni ko‘rib chiqadi.
2. Tegishli yig‘ilish qarorlari asosida O‘zbekiston Respublikasi Innovatsion rivojlanish vazirligiga taqdim etadi.

har yili
20-iyungacha

IV
bosqich

1. Innovatsion rivojlanish vazirligi.
2. O‘zbekiston yoshlar ittifoqi.
3. Komissiya

1. Ko‘krak nishoni bilan taqdirlashga oid takliflarni ko‘rib chiqish bo‘yicha Innovatsion rivojlanish vazirligi va O‘zbekiston yoshlar ittifoqi komissiya tashkil etadi.
2. Komissiya ko‘krak nishoni bilan taqdirlashga tavsiya qilingan nomzodlar bo‘yicha hujjatlarni ko‘rib chiqadi va yakuniy xulosa qabul qiladi.

har yili
1-iyulgacha

har yili

31-avgustgacha

V
bosqich

1. Innovatsion rivojlanish vazirligi.
2. O‘zbekiston yoshlar ittifoqi

1. Ko‘krak nishoni bilan taqdirlash to‘g‘risida Innovatsion rivojlanish vazirligi va O‘zbekiston yoshlar ittifoqi qo‘shma qaror qabul qiladi.
2. Ko‘krak nishoni, uning guvohnomasi va bir yo‘la to‘lanadigan pul mukofotini tantanali ravishda topshiradi.

har yili
15-sentabrgacha
har yili Innovatsion g‘oyalar haftaligi — “InnoWeek.Uz” doirasida

Vazirlar Mahkamasining 2018-yil 2-oktabrdagi 786-son qaroriga
2-ILOVA
“Innovatsion g‘oyalar yetakchisi” ko‘krak nishonining
TAVSIFI
“Innovatsion g‘oyalar yetakchisi” ko‘krak nishoni diametri 34 millimetrli doira shaklida bo‘lib, mis qotishmasidan tayyorlanadi.
Ko‘krak nishonining old yuqori qismida uch qatorda balandligi 2 millimetr bo‘lgan “INNOVATSION G’OYALAR YETAKCNISI” yozuvi joylashgan, “G`OYALAR” so‘zining o‘ng va chap tomonlarida 1,5 millimetr uzoqlikda diametri 1,8 millimetrli sakkiz qirrali yulduz joylashgan.
“YETAKCNISI” so‘zidan 2,5 millimetr pastda balandligi 11,7 millimetr bo‘lgan innovatsiyaning ramziy belgisi — cho‘g‘lanma elektr chirog‘i aks ettirilgan.
Ko‘krak nishonining orqa tomoni markazida to‘rt qatorda harflarning balandligi 2 millimetr bo‘lgan “INNOVATSION RIVOJLANISNDA YETAKCNILIGI UCNUN” so‘zlari yozilgan.
Ko‘krak nishonning qalinligi 2,2 millimetr.
Uning atrofi diametri 30,5 millimetr bo‘lgan naqsh bilan hoshiyalangan.
Tasvirlar va yozuvlar qabariqdir.
Ko‘krak nishonining old va orqa tomonlarining chetlari qabariq doira bilan o‘ralgan.
Ko‘krak nishoni ilgakchalar va halqacha yordamida to‘g‘ri to‘trburchak shaklidagi qadag‘ichgacha ulangan.
Qadag‘ichning eni — 26 millimetr, bo‘yi — 17 millimetr. Qadag‘ich eni 22 millimetrli shoyi lenta bilan qoplangan bo‘lib, lentaning o‘rtasidan eni 9 millimetrli oq rangli yo‘l, uning ikki chetidan esa eni 1,5 millimetrli qizil rangli ikkita yo‘l o‘tgan.
Shoyi lentaning chekka qismlari bo‘ylab har birining eni 5 millimetr bo‘lgan chap tomondagi chekka qismi ko‘k rangli va o‘ng tomondagi chekka qismi yashil rangli yo‘llar o‘tgan.
Qadag‘ichning orqa tomoniga ko‘krak nishonini kiyimga taqib qo‘yish uchun to‘g‘nog‘ich ko‘rinishidagi moslama o‘rnatilgan.

Vazirlar Mahkamasining 2018-yil 2-oktabrdagi 786-son qaroriga
3-ILOVA
“Innovatsion g‘oyalar yetakchisi” ko‘krak nishoni guvohnomasining
TAVSIFI
“Innovatsion g‘oyalar yetakchisi” ko‘krak nishoni guvohnomasi 160x110 millimetr o‘lchamdagi kitobcha shaklida bo‘lib, 240 g/kv. m qalinlikdagi ofset qog‘ozdan tayyorlanadi.
Guvohnomaning tashqi tomoni (birinchi va to‘rtinchi betlari) och yashil rangda bo‘lib, plyonka bilan qoplangan.
Guvohnomaning yuqori chekkasidan (birinchi beti) 35 millimetr pastda, markazda oralig‘i 3,5 millimetrli uch satrdan iborat matn joylashgan. Birinchi satrda “Innovatsion g`oyalar yetakchisi”, ikkinchi satrda “ko‘krak nishoni” (“Times new Roman Bolt” shrifti, 14-kegl) so‘zlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17-kegl) so‘zi yozilgan. Yozuvlar zarhal rangda aks ettirilgan.
Guvohnomaning ichki tomoni (ikkinchi va uchinchi betlari) och havo rangda bo‘lib, ofset usulida chop etilgan.
Ichki tomonining chap qismida (ikkinchi beti), markazda ko‘krak nishonining asliga teng o‘lchamdagi rangli tasviri aks ettirilgan.
Guvohnomaning ichki o‘ng tomoni (uchinchi beti) yuqori chekkasidan 8 millimetr pastda, markazda GUVONNOMA (katta harflarda, “Times new Roman Bolt” shrifti, 10-kegl) so‘zi hamda guvohnoma tartib raqami uchun “№” belgisi va 15 millimetrli chiziq joylashgan.
“GUVONNOMA” so‘zidan 11 millimetr pastda mukofotlangan shaxsning familiyasi, ismi va otasining ismini qayd etish uchun oralig‘i 8 millimetrli uchta chiziq tortilgan.
Pastki chiziqdan 6,5 millimetr quyida, markazda oralig‘i 2 millimetrli uch satrdan iborat matn joylashgan. Birinchi satrda “O`zbekiston Respublikasi”, ikkinchi satrda “Innovatsion rivojlanish vazirligi”, “O`zbekiston Yoshlar ittifoqining” (“Times new Roman Bolt” shrifti, 10-kegl) so‘zlari yozilgan.
Undan 5 millimetr pastda oralig‘i 4 millimetr bo‘lgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-son qo`shma qaroriga asosan” (“Times new Roman Bolt” shrifti, 10-kegl) so‘zlari yozilgan.
Undan 5 millimetr pastda, markazda oralig‘i 4 millimetrli ikki satrdan iborat matn joylashgan. Birinchi satrda markazda “Innovatsion g`oyalar yetakchisi” (“Times new Roman Bolt” shrifti, 14-kegl), ikkinchi satrda “ko‘krak nishoni bilan mukofotlandi” (“Times new Roman Bolt” shrifti, 10-kegl) so‘zlari yozilgan.
So‘nggi so‘zlardan 10 millimetr pastda, chap va o‘ng tomonda oralig‘i 2 millimetrli ikki satrdan iborat matn joylashgan. Chap tomondagi matnning birinchi satrda “O`zbekiston Respublikasi”, ikkinchi satrda “innovatsion rivojlanish vaziri” (“Times new Roman Bolt” shrifti, 8-kegl), o‘ng tomondagi matnning birinchi satrda “O`zbekiston Yoshlar ittifoqi”, ikkinchi satrda “Markaziy kengashi raisi” so‘zlari yozilgan.

(Qonun hujjatlari ma’lumotlari milliy bazasi, 03.10.2018-y., 09/18/786/1988-son; 29.12.2019-y., 09/19/1046/4242-son; 12.03.2021-y., 09/21/132/0202-son; Qonunchilik ma’lumotlari milliy bazasi, 28.08.2021-y., 09/21/545/0832-son)