1. Davlat va jamiyat qurilishi / Davlat dasturlari, konsepsiyalari va boshqalar]

Vazirlar Mahkamasi qarori loyihasi.

Loyihada:

ishsiz, ijtimoiy himoyaga muhtoj fuqarolarga bandligini ta’minlash va moddiy ko‘mak berish maqsadida ajratilayotgan subsidiya, grant, nafaqa va boshqa to‘lovlar bo‘yicha fuqaroning olayotgan mablag‘lar hisobiga majburiyatlarni belgilovchi “ijtimoiy kontrakt” mexanizmini joriy etish;

fuqaroning ijtimoiy kontrakt bo‘yicha o‘z majburiyatlarini bajarish ustidan monitoring tizimini o‘rnatish va davlatdan yordam olgan fuqaroning “shaxsiy profili”ni yaratish;

ijtimoiy kontrakt bo‘yicha o‘z majburiyatlarini bajargan fuqarolarni rag‘batlantirish, bajarilmagan holatlarda fuqarolarning ijtimoiy mas’uliyatini belgilash;

ijtimoiy kontrakt tizimi tajriba tariqasida joriy etilayotgan tuman (shahar)lar ro‘yxatini belgilash, tajriba natijalariga ko‘ra qolgan tuman (shahar)larida tatbiq etish;

ijtimoiy kontrakt tizimini joriy etish bo‘yicha jahon tajribasini o‘rganish va xorijiy ekspertlarni jalb qilish maqsadida Jahon banki, Osiyo taraqqiyot banki, Xalqaro mehnat tashkiloti bilan hamkorlik qilish nazarda tutiladi.