1-dars Sana: Mavzu: Jismlarning elektrlanishi Darsning maqsadi

Masalalar yechish. Bob oxirida keltirilgan I bobni takrorlash uchun savol va masalalar»dagi savollarga o'quvchilar javob beradilar, javoblar o'qituvchi tomonidan to'ldirib boriladi. Har bir savolga javob berishda tahliliy fikr-mulohazalar yuritilishiga e'tibor beriladi. Keltirilgan masalalardan birinchi navbatda yechiladiganlarini o'qituvchi tanlaydi. Faol o'quvchilar mustaqil ravishda boshqa masalalarni ham yechishlari tavsiya etiladi.

1. Soch taralgan plastmassa taroq nima sababdan maydalangan qog'ozni o'ziga tortadi?

2. 
   4- rasmni ko'zdan kechirib chiqing va undagi hodisani tushuntirib bering.
   
3. 
   Shtativga osib qo'yilgan elektrlangan gilza ishorasini qanday aniqlash mumkin?
   
4. 
   Elektrlangan shisha tayoqcha zaryadining bir qismini elektroskopga uzatish uchun o'quvchi tayoqchani elektroskop sharchasiga tekkizib, shu zahoti tortib olgan. Boshqa o'quvchi esa tayoqchani elektroskop sharchasiga bir necha sekund tekkizib turgan. Qaysi holda elektroskop ko'proq zaryad oladi?
   
5. 
   Elektrometrning elektroskopdan farqi nimadan iborat?
   
6. 
   Nima uchun shisha tayoqchani qo'lda ushlab turib, biror narsaga ishqalash yo'li bilan elektrlash mumkin-u, metall tayoqchani esa qo'lda ushlagan holda ishqalab, elektrlab bo'lmaydi?
   
7. 
   Benzin tashiydigan mashinaga benzin quyishda uning korpusi, albatta, metall o'tkazgich bilan yerga ulanadi. Nima uchun shunday qilinadi?
   
8. 
   Shikastlangan o'tkazgichlarni ulashda montyor qo'liga rezina qo'lqop kiyadi? Bunga sabab nima?
   
9. 
   Litiy atomi tuzilishining sxemasini ko'zdan kechirib chiqing (11- rasm). Nima uchun yadro elektr zaryadga ega bo'lishiga qaramay, butun atom neytral bo'ladi?
   
10. 
    Uglerod atomining yadrosida 6 ta proton va 6 ta neytron bor. Uglerod atomida nechta elektron bor?
    
11. 
    Zaryadlanmagan jismda elektr zaryadlari bo'ladimi? Zaryadlangan jismning zaryadlanmagan jismdan farqi nimada?
    
12. 
    Bir-biridan 3 sm masofada turgan har biri 10 nC dan bo'lgan ikki zaryad qanday kuch bilan o'zaro ta'sirlashadi?
    
13. 
    Bir-biridan qanday masofada 1 |iC va 10 nC zaryadlar 9 mN kuch bilan o'zaro ta'sirlashadi?