1-dars Sana: Mavzu: Jismlarning elektrlanishi Darsning maqsadi

Yangi mavzuning bayoni. Mavzu «Modifikatsiyalangan ma'ruza» asosida bayon etiladi. Bunda quyidagilarga e'tibor berish lozim:

• 
  elektr tokining bajargan ishiga tushuncha berish;
  
• 
  tokning bajargan ishini keltirib chiqarish;
  
• 
  sarflangan elektr energiyani hisoblash;
  
• 
  sarflangan elektr energiya formulasini keltirish;
  
• 
  bir vattsekundga ta'rif berish.
  

Mavzuni tushuntirib berish jarayonida elektr hisoblagichning tuzilishi va ishlash prinsipi bilan tanishtirish lozim.

Mavzuni bayon qilishda elektr tokining ishi haqida quyidagi ma'lumotlarni ham berish tavsiya etiladi.

Har qanday berk elektr zanjirda energiyalarning ikki yoqlama o'zgarishi yuz beradi.

Тоk manbayida energiyaning biror turi elektr energiyasiga aylanadi. Masalan, galvanik elementda kimyoviy energiya elektr energiyaga aylanadi. Elektr zanjirda esa tok manbayining elektr energiyasi hisobiga biror ish bajariladi. Masalan, elektr dvigatellarda mexanik ish bajariladi. Isitish asboblarida elektr tokining ishi ichki energiyani oshirish uchun sarf bo'ladi.

Energiyaning biror turi boshqa turga aylanganda, hamma vaqt qandaydir ish bajariladi. Biz bilamizki, ish biror turdagi energiyaning boshqa turdagi energiyaga aylanishi o'lchovidir.

Elektr zanjirda elektr energiyaning boshqa biror turdagi energiyaga aylanishi o'lchovi elektr tokining ishidir.

4.