1-dars. Mavzu: O'zbekistonda davlat tili va boshqa tillarning rivoji

VIII.Mustahkamlash:

Darslik bilan ishlash

Dars mashqlar bajarish bilan davom ettiriladi. 324-mashq topshirig'ga ko'ra o'quvchilar aniq va mavhum otlarga qo'shilayotgan ko'plik, egalik va kelishik qo'shimchalariga e'tibor berib, otiarga ko'plik qo'shimchasi qanday ma'no qo'shayotganini izohlaydilar.

Namuna: U o'z qalbida kechayotgan tuyg 'ularining nomini bilmas, shu daqiqadagi holatini

o 'rtoqlariga ham izohlab berolmas edi. (QamchibekKenja). Mazkur gapda qalbida, tuyg'ular, o'rtoqlar ot turkumiga mansub so'zlar.

Tuyg'ular - mavhum ot, -lar ko'plik qo'shimchasini olgan. Bu o'rinda ko'plik qo'shimchasi kuchaytirish ma'nosini ifodalagan.

325-mashqda matndagi aniq va mavhum otlar aniqlanib, ma'nolari izohlanadi.

Namuna: Hasad - yurakning zanglashi, qaysarlik mag 'lubiyat sababchisidir.(«Sharq hikmatlari»dan) Mazkur hikmatda hasad, qaysarlik, mag'lubiyat kabi mavhum otlar va yurak aniq oti qo'llangan.

Hikmatlar orqali o'quvchilarga hasad, qaysarlik yalqovlik kabi salbiy odatlarning zararligi dalillar asosida tushuntiriladi. Shu tarzda ularga axloqiy tarbiya beriladi.