1-dars. Mavzu: O'zbekistonda davlat tili va boshqa tillarning rivoji

Kelgusi rejalar:

O'qituvchi: Pedagogik texnologiyalarni o'zlashtirish va darsda tatbiq etish, takomillashtirish, o'z ustida ishlash. Pedagogik mahoratni oshirish. O'quvchi: Mustaqil ishlashni o'rganadi. O'z fikrini ravon bayon qila oladi. O'rganilgan mavzu asosida qo'shimcha materiallar izlaydi, ularni o'rganadi. Do'stona muhitda, hamkorlikda ishlash ko'nikmasi shakllanadi.

Darsning borishi..

O'tilgan mavzuni takrorlash maqsadida «Rasmlararo bog'liqlik» mashqi o'tkaziladi. O'quvchilar mevalar nomi yozilgan kartochkalar yordamida guruhlarga bo'linadi. Har bir guruhga 3 tadan turli mazmun va tasvirdagi rasm solingan konvert tarqatiladi. Guruhdagi o'quvchilar rasmlarni ketma-ketlikda mazmunan bir-biriga bog'lab 3-4 gapli matn, hikoya yoki ertak tuzadilar. Bu mashq uchun 10 daqiqa ajratiladi. Matnda ravishdoshlardan foydalanish ta'kidlanadi. (Rasmlar manzara, tarixiy, zamonaviy, turli voqea-hodisalar, tadbirlar, bayram tantanalariga oid bo'lishi mumkin.)

Bu ish turidan maqsad o'quvchilarda ijodiy, mantiqiy fikrlash ko'nikmalarini tarkib toptirish, yozma nutq malakalarini rivojlantirish, shuningdek, ularda tarix, hozirgi davr va kelajakning o'zaro bog'liqlik jihatlari yuzasidan tushuncha hosil qilishdan iboratdir.

Mashq bajarib bo'lingandan so'ng o'quvchilar bilan qisqa suhbat o'tkaziladi:

Mashq davomida nimalarni his etdingiz?Bunday mashq sizdagi qanday ko'nikmalarni rivojlantirishga yordam beradi deb o'ylaysiz?Bunday ishlarni yakka tartibda yoki guruhda bajarishning afzalliklari nimada?

II.Uy vazifasini so'rash. «Mening orzum» mavzusida uyda tuzib kelingan bog'lanishli matn 4-5 o'quvchiga o'qitiladi. Matn o'qilayotganda unda qo'llangan ravishdoshlarga, uslubiy izchilligiga, ta'sirchanligiga, ta'limiy jihatlariga e'tibor qaratish ta'kidlanadi. Saylanma tarzda matnlar tinglangandan so'ng ular haqida fikr-mulohaza bildirish so'raladi.. O'quvchilar fikrlari o'qituvchi tomonidan umumlashtirilib, ishlaraing yutuq va kamchiliklari izohlanib, lozim topilsa baholanadi. Uy vazifasi tahlilini o'zaro tekshirish (partadoshlar bir-birlarining ishlarini tahlil qiladilar) yo'li bilan ham amalga oshirish mumkin.

III.Yangi mavzu bayoni. Mavzu bayonida quyidagi ko'rsatmali qo'llanmadan foydalanish tavsiya etiladi.

«Ravishdoshlarning yasalishi, ma'nosi va yozilishi»

Yasalish asosi Tugat chop ko`r Kulimsira so`zla ek Uyal chiq