1-dars. Matn muharrirlari

1-dars. Matn muharrirlari.


Kompyuterlarning paydo bo’lishi va undan foydalanish yozuv texnalogiyasini tubdan o’zgartirib yubordi. Matnlarni yozish, saqlash, qayta ishlash, qog’ozga bosib chiqarish kabi ishlarni bajarishga mo’ljallangan ko’plab dasturlar ishlab chiqildi. Bu dasturlar, asosan ikki turga bo’linadi:


Matn muharrirlari va matn protsessorlari.
Ularning asosiy farqi kompyuterga kiritilgan matnning ko’rinishiga bog’liq. Masalan, matn muharririda faqat matn yozish mumkin bo’lsa, matn protsessorida shu matn turli rasmlar bilan boyitilishi mumkin.
Etiboringizga havola etilayotgan ushbu darslik ham matn protsessorida yozilgan bo’lib, unda turli rasmlar, jadvallar, ranglar va boshqa bezaklardan foydalanilgan.


Matn muharririda ishlash.
Matn muharriri kompyuterda nisbatan eng ko’p ishlatiladigan dasturlar qatoriga kiritilgan bo’lib, har xil rusumdagi kompyuterlar uchun turli xil matn muharrirlari ishlab chiqilgan.
Masalan, Windows operatsion sestimasining tarkibiga kiritilgan Bloknot, WordPad va hokazo. Shuni bilingki, Bloknot, WordPad matn muharrirlari Siz 5- sinfda o’rgangan Paint yoki Kalkulator dasturlari kabi ishga tushiriladi.
Deyarli barcha matn muharrirlari quyidagi vazifalarni bajaradi.

1) ma’lumotlarni kiritish	5) xatolarni tuzatish
2)belgilar, so’zlar, satrlar, abzaslar o’rnini almashtirish yoki o’chirib tashlash	6) matnni biror “qolipga solish”, ya’ni chap va o’ng tomonlarini tekislash, satrlar orasidagi masofani o’zgartirish