1. bob. Umumiy qoidalar modda. Odob

1. BOB. UMUMIY QOIDALAR
1. Modda. Odob
Inson haqida yoqimli taassurot uyg’otadigan, lekin jamoa, jamiyat va insoniyat hayotida burilish yasaydigan darajada muhim ahamiyatga ega bo’lmaydigan, milliy urf-odatlarga asoslangan chiroyli xatti-harakatlarni o’z ichiga oladi.
2. Modda. Xulq
Oila, jamoa, mahalla-ko’y miqyosida ahamiyatli bo’lgan, ammo jamiyat va insoniyat hayotiga sezilarli ta’sir ko’rsatmaydigan yoqimli insoniy xatti-harakatlarni o’z ichiga oladi.
3. Modda. Axloq
Jamiyat, zamon, ba’zan insoniyat tarixi uchun namuna bo’la oladigan umumbashariy ahamiyatga ega ijobiy xatti-harakatlar yig’indisi, insoniy kamolot darajasini belgilovchi ma’naviy hodisa.
2. BOB. ASOSIY QOIDALAR
4. Modda. Halollik
Halollik vijdon, adolat va burch kabi axloqshunoslik mezoniy tushunchalari bilan bo’gliq, insonning o’zgaga munosabati o’ziga munosabatidek sof, pokiza bo’lishini talab qiladigan axloqiy me’yordir. (Izoh: dastavval u diniy tushuncha sifatida vujudga kelib, har bir musulmonning yemak-ichmagi, jinsiy va iqtisodiy xatti-harakatlati sifatini belgilab beruvchi shar’iy me’yor bo’lib amal qilgan)
5. Modda. Rostgo’ylik
Rostgo’ylik yoki to’g’ri so’zlilik insonning haqiqatga intilishi bilan bog’liq, haqiqat esa doimo sinfiylik-tabaqaviylik, partiyaviylik-mafkuraviylik va tarixiylik-davriylikdan yuqori turadi. (Izoh: demak, rostgo’ylik – insonning keyinchalik kasb etgan – o’z ongiga, ruhiga singdirgan, berilgan fazilat)
6. Modda. Hayolilik
Bu me’yor xulqiy go’zallikning asosiy belgilaridan hisoblanadi. (Izoh: garchand bir qarashda, uyat hissi bilan o’xshash bo’lsada, aslida o’zini ko’proq andisha va iboga yaqin fazilat tarzida namoyon qiladi, unda axloqiy mohiyat estetik xususiyat – nafosat bilan uyg’unlashib ketadi)
7. Modda. Insoflilik
Insoflilik ham halollik kabi vijdon tushunchasi bilan bog’liq, ma’lum ma’noda halollikk o’xshab ketadi. (Izoh: halollik o’z haqi va haqqini, ya’ni moddiy va ma’naviy huquqini o’zgalarning haqi va haqqiga xiyonat qilmagan holda ajratib yashashni aglatadi)