1-боб: маркетинг ва унинг ривожланишининг

Tayanch so`z va iboralar: statistik metodlar, chastotali lug`at va uning turlari, fonologik tizim, nisbiylik nazariyasi, struktur tilshunoslik, lingvistik tadqiqot metodi, matematik lingvistika, matematik apparatlar, matematik tavsif, gap tarkibi, sintaktik struktura, transformatsion grammatika, formal grammatika, invariantlik nazariyasi, sintaktik birlik, statistik metodlar, matematik mantiq, algoritm nazariyasi

Har qanday fan matematika bilan chambarchas bog`liq bo`lgandagina, yuksak maqsadlariga erisha oladi. Tilshunoslik ham undan mustasno emas. Shuning uchun ham XX asrning o`rtalariga kelib tilshunoslikda bir qator lingvistik tushunchalarni aniqlashtirishga bo`lgan ehtiyojni qondirish uchun matematik lingvistika nomi bilan yuritiluvchi alohida yo`nalish maydonga keldi. Muayyan matematik apparatlardan foydalaniladigan lingvistik tadqiqot usuli matematik lingvistika deb yuritiladi. Hozirgi kunda bu atama ostida ikki xil fan sohasi tushunilmoqda. Birinchisi matematikaning bo`limi bo`lgan matematik lingvistika. Uning tekshirish metodlari ko`p jihatdan matematik mantiq, ayniqsa, uning algoritm nazariyasi bo`limlari bilan ko`p jihatdan umumiylikka ega. Ikkinchisi lingvistika yo`nalishi bo`lgan matematik lingvistika matematik usullardan foydalangan holda olib boriladigan har qanday lingvistik tadqiqot metodi tilshunoslikda matematik lingvistika deb yuritiladi.

Umuman olganda, filologik izlanishlarda statistik metodni ilk bor qo`llagan olim V.Ya. Bunyakovskiy edi. Matematik olim Yu.I.Levin fikriga ko`ra, til hodisalarini o`rganlishda ehtimollik nazariyasi va sta-tistikani qo`llash XX asrning boshlariga to`g`ri keladi. Bu soha bilan dastlab shug`ullangan shoir Andrey Belin va taniqli matematik A.A.Markovlar bo`lgan. Keyinchalik A.A.Chuprov, A.M.Peshkovskiy, V.F.Chistyakov, B.K.Kramorenko, A.A. Lyapidovskiy, E.A.Shteynfeldt, Yu.Markov, I.I.Revzin, V.A.Artyomov, R.G.Piotrovskiy, Ye.V. Paducheva, I.A.Malchuk, R.M.Frumkina kabi o`nlab shu sohaning mutaxassislari yetishib chiqdi.