1-боб. Бухгалтерия ҳисобининг концепциялари ва тамойиллари

Харажатларни ҳисоблаш
1- Мисол
Компания рахбарияти 2000 йил бошида маъмурият ходимларига 2000йил учун 240 000 сўм йиллик мукофот бериш ҳақида қарор қилади. Мукофот 2001 йил январ ойининг охирида тўланиб бўлиши керак. 2000 йилнинг январидан ноябр ойигача бўлган давр ичида бухгалтерия ҳар ой 20 000 сўм мукофот ёзиб боради.
Дт Меҳнат ҳақи бўйича харажатлар 20 000
Кт Меҳнатга ҳақ тўлаш бўйича ходимлар билан ҳисоб-китоблар 20 000
2000 йил декабр ойида компания рахбарлиги мукофот суммасини 300 000 сўмгача оширади. Олдинги даврда бу харажатлар ҳисобга олинмагани учун улар жорий даврнинг харажати бўлиб ҳисобланиши керак ва бухгалтерия декабр ойида қуйидаги бухгалтерия ўтказмасини берилади:
Дт Маъмурий харажатлар 80 000
Кт Меҳнатга ҳақ тўлаш бўйича ходимлар билан ҳисоб-китоблар 80 000
2- Мисол
3 мартда компанияга электр куввати учун 3 000 сўмлик счёт тақдим этилди. Тўлов 5 апрелда утказилади. Бухгалтерия дафтарида қуйидаги бухгалтерия ўтказмалар берилди:Счётни олган даврида:
Дт Маъмурий харажатлар 3 000
Кт Мол етказиб берувчилар ва пудратчиларга тўланадиган счётлар 3 000
Тўлов вақтида:
Дт Мол етказиб берувчиларга тўланадиган счётлар 3 000
Кт Ҳисоб-китоб счёти 3 000
3 - Мисол
Битимга биноан компания ижара тўловларини (йилига 24 000сўм) 30 июнда 12 000 сўм ва 31 декабрда 12 000 сўмни амалга ошириши керак. Январ ойида бош китобда қуйидаги бухгалтерия ўтказмаси берилади:
Дт Бошқа операцион харажатлар 2 000
Кт Тўланадиган лизинг 2 000
Февраль ойи учун 2 000 сўм қўшимча ҳисоблаш амалга оширилади:
Дт Бошқа операцион харажатлар 2 000
Кт Тўланадиган лизинг 2 000

вХудди шундай ёзувлар ҳар ойда биринчи ярим йиллик охиригача амалга оширилади. 30 июнда ижарага берувчи ижара учун 12.000сўм суммага счёт тақдим этади ва компания уни тўлайди, бунда қуйидаги бухгалтерия ўтказмаси берилади:

Дт Тўланадиган молиявий лизинг 12000
Кт Ҳисоб-китоб счёти 12000
4 - Мисол
Ҳисобот даври бошида компания журналга йиллик обуна учун 600 сўм тўлади. Бухгалтер қуйидаги бухгалтерия ўтказмасини беради:
Дт Олдиндан тўланган хизмат ҳақи 600
Кт Ҳисоб-китоб счёти 600
Хар ойда бухгалтер сумманинг 1/12 қисмини ҳисобдан чиқаради:
Дт Бошқа операцион харажатлар 50
Кт Олдиндан тўланган хизмат ҳақи 50