1-боб. Бухгалтерия ҳисобининг концепциялари ва тамойиллари

5. Ҳисобни ҳисоблаш тамойили бўйича юритиш.
Молиявий ҳисоботлар ҳисоблаш тамойилига мувофиқ ҳисоблаш асосида тайёрланиши керак. Бу тамойил молиявий ҳисоботга қуйидагича таъсир қилади:

• 
  Хўжалик операциялари ва ходисалар пул маблағлари келиб тушганида ёки тўланганида эмас балиим, улар амалга ошган пайтда тан олиниши талаб қилинади.
  
• 
  Бу бухгалтерия балансида актив сифатида акс этиирилган пул маблағларни ёки бошқа молиявий ресурсларни олиш ҳуқуқини беради.
  
• 
  Бу бухгалтерия балансида мажбурият сифатида акс эттирилган пул маблағларни тўлаш ёки хизмат кўрсатиш мажбуриятни юклайди.
  
• 
  Молиявий натижалар тўғрисидаги ҳисоботда ушбу даврга тегишли бўлган даромадлар ва харажатлар акс эттирилиши керак.
  
• 
  Ҳисоблаш тамойили мувофилик тамойилига тўғри келади, яъни даромад пул маблағлари олинганида эмас товар сотилганда ёки хизмат кўрсатилганда ҳисобланади. Ҳисоблаш тамойили қўлланганда харажатлар пул маблағлари тўланган пайтидан катъий назар, у билан боғлиқ бўлган даромад тан олинган даврда тан олинади.
  

БУХГАЛТЕРИЯ ҲИСОБИНИ ҲИСОБЛАШ УСУЛИ БЎЙИЧА ЮРИТИШГА ТААЛЛУҚЛИ МИСОЛЛАР
Даромадни ҳисоблаш
1 - Мисол
Март ойида мижозга 10 000 сўм тўлаши учун счёт-фактура юборилди. Тегишли ҳисобот даврида ушбу даромадни ҳисобга олинишини таъминлаш учун қуйидаги бухгалтерия ўтказмаси берилади:
Дт Харидорлар ва буюртмачилардан олинадиган счётлар 10 000
Кт Ишларни бажариш ва хизматларни кўрсатишдан олинган даромадлар 10 000
Мижоз апрел ойида тўловни амалга оширганда қуйидаги бухгалтерия ўтказмаси берилади:
Дт Миллий валютадаги пул маблағлари 10000
Кт Харидорлар ва буюртмачилардан олинадиган счётлар 10000
2 - Мисол
Шартномага биноан, мижоз сервис хизмат кўрсатиш компаниясига кўрсатилган хизмат учун ҳар чоракда 3 000 сўм тўлаши керак. Тегишли ҳисобот даврида ушбу даромад ҳисобга олиниши учун, уни ҳар ой ҳисобга олиш керак: Январ:
Дт Харидорлар ва буюртмачилардан олинадиган счётлар 1 000
Кт Ишларни бажариш ва хизматларни кўрсатиш олинган даромадлар 1 000
Феврал ва март ойида шунга ўхшаш бухгалтерия ўтказмалар ўтказилади ва мижоз уч ойдан кейин тўловни амалга оширади:
Дт Миллий валютадаги пул маблағлари 3 000
Кт Харидорлар ва буюртмачилардан олинадиган счётлар 3 000
3- Мисол
Компания йилига 60% ставкаси билан 6 ойга 120 000 сўм инвестицияга куяди. Ҳисоблаш тамойилига мувофиқ компания ҳар бир ойда фоизлар ҳисоблаб боради. Бухгалтер ҳар ойи бухгалтерия дафтарида қуйидагича бухгалтерия ўтказмасини беради:
Дт Олинадиган фоизлар 6 000
Кт Фоиз кўринишидаги даромад 6000