1-боб. Бухгалтерия ҳисобининг концепциялари ва тамойиллари

Қарзнинг асосий суммаси х Фоиз ставкаси хВақт = Фоиз суммаси
Белгиланган фоиз ставкаси - бу қарз хужжатида кўрсатилган фоиз нормасидир. Белгиланган фоиз ставкаси қарзнинг асосий суммаси учун тўланадиган фоиз тўловларининг суммасини аниқайди. Бунга нисбатан, қарз бўйича реал фоиз ставкаси - бу ушбу даврга маблағларни қарзга олишдаги бозор фоиз ставкасидир. Реал фоиз ставкаси қарзнинг келгуси пул тўловларини дисконтлаш учун қўлланилади. Қарздор томонидан олинган пул маблағлари ёки пул эквивалентлари суммасига реал фоиз ставкаси қўлланилади.
Фоизли векселлар. Фоизли векселлар векселнинг асосий суммасини номинал қиймат сифатида аниқ кўрсатади. Бундан ташқари, векселда белгиланган фоиз ставкаси кўрсатилади. Фоизли вексел бўйича қарздор номинал қийматга тенг пул маблағлар, бошқа актив ёки хизматлар олади, кейин эса бу сумма билан белгиланган фоиз ставкаси бўйича фоизларни ҳам тайинланган муддатда қайтариб беради. Бундай шартларда белгиланган ва реал фоиз ставкалари бир хил. Бу одатдаги хол.
Фоизли векселни тасвирлаш мақсадида, фараз қилайлик, 2001 йил 1 октябрда «Чимган» компанияси йиллик 12% тўланадиган вексел бўйича 1 000 000 сўмдаги маблағларни қарзга олди. "Чимган" компанияси векселнинг номинал қийматига тенг 1 000 000 сўм миқдорда пул маблағлари олди. Ҳисобот даври 31 декабрда, векселни тўлаш муддати эса - 2002 йил 30 сентябрда тугайди. Бу хўжалик муомаласини акс эттириш учун қуйидаги ёзувлар талаб этилади:
2001 йил 1 октябр. - Фоизли векселни унинг жорий қиймати бўйича акс эттириш:
Дт Пул маблағлар 1 000 000
Кт Тўланадиган вексел, қисқа муддатли1 000 000
2001 йил 31 декабр -Фоизни ҳисоблаш тўғрисидаги тузатиш ёзуви
Дт Фоизлар бўйича харажат (1 000 000) х (12%) х (3 /12) 30 000
КтҲисобланган фоизлар 30 000
2001 йил 31 декабр - Молиявий натижалар тўғрисидаги ҳисобот:
Фоизлар бўйича харажат 30 000
Бухгалтерия баланси:
Жорий мажбуриятлар:
Тўланадиган вексел, қисқа муддатли 1 000 000
Ҳисобланган фоизлар 30 000
Векселни тўлаш кунидаги ёзув:
2002 йил 30 сентябр - Тўлаш муддатидаги номинал сумма плюс фоизларнинг тўланиши:
Дт Тўланадиган ҳисобланган фоизлар 30 000
Дт Фоизлар бўйича харажат (1 000 000) х(12%) х (9/12 90 000
Дт Тўланадиган вексел, қисқа муддатли 1 000 000
Кт Пул маблағлари1 120 000