1-БЎлим. Бахтли ҳаёт асослари бахтнинг баҳоси қанча?

УЗОҚ УМР КЎРИШ СИРИ 
Машҳур табиб Абу Али ибн Сино – турмуш тарзини кузатиш, дардга чалинмаслик сабабларини 
ўрганиш мақсадида – узоқ умр кўрган кишиларни топиб суҳбатлашар экан. Бир куни Мурод отанинг 
хонадонига ташриф буюрибди. Ибн Сино у ерга кириши билан тартиб билан экилган дарахтларни, 
гулларни, саранжом-саришталикни кўриб, кўнгли равшан бўлибди. Кўркам шийпонда ўтирган отахон 
дарҳол ўрнидан туриб, Ибн Сино билан қучоқ очиб кўришибди. Самимий салом-аликдан сўнг Мурод 
отани зимдан кузатиб: 
– Отахон! Ёшингиз нечада, фарзандларингиз кўпми? – деб сўрабди. 
– Сиздек табаррук зот билан кўришганимдан беҳад хурсандман. Бу йил 120 баҳорни қарши 
олдим. Эшитишим, кўришим, уйқум, иштаҳам яхши, ҳанузгача от минаман, 4-5 чақирим пиѐда 
юраман. Ўзимга яраша меҳнат билан шуғулланаман. Саккизта ўғлим, иккита қизим бор. Хотиним 100 
ѐшга тўлди. 
– Мен жуда кўп одамлар билан суҳбатлашганман. Бироқ сизларга ўхшаб улуғ ѐшга кириб, юз-
кўзидан нур ѐғилиб турган тетик кексаларни учратмадим. Сизни кўрганлар 70-80 ѐш дейди. Қандай 
қилиб узоқ умр кўришга эришдингиз? 
– Никоҳ куни бўлажак жуфти ҳалолимга: “Сиз билан ширин турмуш қуришим учун менга 
ширин сўз, ширин овқат, тинчлик, озодалик, меҳмондўстлик бўлса бас”, – дедим. Шунда келин: 
– Сизнинг бешта истагингизни дарҳол кўнглимга жойлаб олдим. Уларни амалга оширишга 
ваъда бераман. Онам “Эр рози – эл рози” деган ҳикматни қайта-қайта қулоғимга қуйган. Онам 
68
Манба: “Саломатлик тақвими”нинг 2013-йилги 1-сони, 50-52-бетлари. 
69
Манба: Набижон Ҳошимов, Иброҳим Қўзиев, “Каримаслик сирлари”, 3-4-бетлар. 

---

97 
отамнинг измидан чиқиб гап қайтарганини, ўзбошимчалик қилганини, шовқин-сурон кўтарганини 
билмайман, – деди. 
Отахон сўзида давом этиб: 
– Эр-хотин бир ѐстиққа бош қўйиб, бутун ҳаѐтимизни бир-биримизга бағишладик. Эндиликда 
бир тан-бир жон бўлиб қолдик. Инсон дунѐга бир марта келади. Эркак киши қиладиганини мен, 
аѐлларга тегишлисини сен ўринлатасан. Орамизда аҳиллик ҳукм сурса, шод-хуррамликда яшаймиз. 
Шундагина фарзандларимиз ҳам бахт-саодатга эришади, – дебди. 
Ўшандан бери кўп йиллар ўтди. Мана шу вақт мобайнида хотиним ваъдасини бажарди. 
Натижада хонадонимизда ширинсўзлик, ширин овқат, тинчлик, озодалик, меҳмондўстлик барқ 
урмоқда. Бу менинг кучимга куч, умримга умр қўшган асосий омил ҳисобланади. 
Ибн Сино Мурод отанинг сўзларини мароқ билан эшитиб: 
– Қойилман! Сиз юқорида айтган бешта омилда киши соғлиғини яхшилайдиган, кайфиятини 
кўтарадиган шундай дори-дармонлар мужассамки, улардан афзалини топиш қийин. Сизнинг ҳаѐтингиз 
ширин сўз, ширин овқат, тинчлик, озодалик, меҳмондўстлик маҳсулидир. Агар бошқа хонадонларда 
ҳам мана шу бешта омилга риоя этилганида, сизларга ўхшаб узоқ умр кўришарди
70
.