1-БЎлим. Бахтли ҳаёт асослари бахтнинг баҳоси қанча?

МУЛОҲАЗА 
Эркак киши қачон кўчага чиқиб кетади? Агар қидирганини уйидан тополмаса. 
АЙБ КИМДА? 
Бир киши хотини олдингидай яхши эшитмаѐтганини пайқаб қолди, бундан ташвишга тушди. 
Балки қулоғига махсус эшитиш ускунаси тақиши керакдир, деб ҳам ўйлади. Шундай мулоҳазалар 
билан дўхтир ҳузурига йўл олди. Ҳар ҳолда мутахассис билан маслаҳатлашган яхши-да. 
Унинг арзини тинглаган шифокор бир синов усулини ўргатди. 
– Хотинингиздан қирқ қадам нарида турасиз. Одатдаги суҳбат товушида гапириб кўрасиз. Агар 
эшитмаса, масофани ўттиз қадамга қисқартирасиз. Яна бўлмаса, йигирма қадам. Хуллас, сизни 
эшитгунча яқин бораверасиз. 
У бундай тажрибани ўша куниѐқ қўллашга киришди. Хотини ошхонада куймаланиб юрганини 
кўргач, қирқ одим нарига борди-да: 
– Онажони, бугун кечки овқатга нима пиширяпсиз? – деди. 
Жавоб йўқ. У масофани ўттиз қадамга қисқартириб, саволини қайтарди: 
– Онажони, бугун кечки овқатга нима пиширяпсиз? 
Яна жавоб йўқ. Энди йигирма метр масофада туриб сўради: 
– Онажони, бугун кечки овқатга нима пиширяпсиз? 
Наҳотки! Яна жавоб бўлмади-ку! 
Эр ошхона эшиги яқинига келди-да, саволини тағин такрорлади: 
– Онажони, бугун кечки овқатга нима пиширяпсиз? 
Тавба-тавба! “Нима бало, аѐлимнинг қулоғи том битганми?!” деб ўйлади у. Бу сафар хотинига 
жудаям яқин келди: 
– Онажони, бугун кечки овқатга нима пиширяпсиз? 
Ниҳоят бу сафар аѐли жавоб берди: 
54
Манба: www.muxlis.uz 

---

73 
– Дадажони, бешинчи марта қайтаряпман: ош дамлаяпман, ош. 
Биз кўпинча муаммони қаршимиздаги кишилардан ахтарамиз. Балки айб ўзимиздадир. Лекин 
буни хаѐлимизга ҳам келтирмаймиз. Ақлли одамнинг энг устун жиҳатларидан бири бошқаларнинг 
эмас, ўзининг нуқсонларини ўйлаши, уларни вақтида тўғрилашидир. 
ҲИКМАТ 
Эр-хотин ўртасида парда бўлиши шарт. Улар мана шу парда кўтарилмаслиги учун ҳаракат 
қилсинлар. Парда кўтарилдими, тамом, ҳаѐтга дарз тушади.