1-БЎлим. Бахтли ҳаёт асослари бахтнинг баҳоси қанча?

2-БЎЛИМ. ФАРОҒАТ ҚАСРИ 
БАХТЛИ ҲАЁТ САРИ 
14
Манба: www.xabardor.uz 

---

27 
Никоҳ инсон ҳаѐтидаги энг муҳим бурилиш нуқтаси саналади. Чунки, алоҳида яшаган икки 
инсон ҳаѐти никоҳдан кейин бирлашади. Энди, “мен” ва “у” эмас, “биз” деган тушунча пайдо бўлади. 
Никоҳ билан икки вужуд, икки қалб бир тан, бир жонга айланади. Буни “оила” дейилади. Муҳаббат 
билан қурилган оила аъзолари ҳузур-ҳаловатда яшайди. Оиласи тинч инсон қалби хотиржам бўлади. 
Зеро, ўз уйини фароғат қасрига айлантиролмаганлар оиладан ташқарида ҳам бахтга, ютуққа 
эришолмайди. Муваффақият сари илк одим оиладан бошланади. Шу маънода, қуйида никоҳ ҳамда 
оилавий бахт ҳақида суҳбатлашамиз. 
УЙЛАНИШ ҲУКМИ 
Кишининг жинсий қуввати, эркаклик масъулиятини адо эта олишига кўра, уйланиш ҳукми беш 
хил бўлади: 
1. Фарз. Маҳрга, аѐл нафақасига етарли моли бор, хотинга зулм қилмайдиган, уйланмаса, 
зинога кетиши аниқ, фақат уйланиш билан зинодан сақлана оладиган кишилар учун уйланиш 
фарздир. Бундай эркаклар уйланмай юрсалар, қаттиқ гуноҳкор бўладилар. 
2. Вожиб. Маҳрга, аѐл нафақасига етарли моли бор, уйланса, хотинини боқа оладиган, унга 
зулм қилмайдиган, уйланмаса, зинога кетиш хавфи бор кишилар учун уйланиш вожибдир. Бундай 
кишилар ҳам уйланмасалар, гуноҳкор бўладилар. 
3. Суннат. Маҳрга, аѐл нафақасига етарли моли бор, хотинини боқишга қодир, унга зулм 
қилмайдиган, жинсий муносабатга лаѐқатли, уйланмаса ҳам ўзини зинодан сақлай оладиган кишилар 
учун уйланиш суннатдир. Бундай кишилар уйлансалар, савобга эришадилар, уйланмасалар, 
гуноҳкор бўлмайдилар. 
4. Ҳаром. Маҳрга, аѐл нафақасига қурби етмайдиган, уйланса, хотинини боқа олмайдиган, унга 
зулм қилиши, жинсий лаѐқатсизлиги аниқ кишилар учун уйланиш ҳаром. Бундай кишиларнинг 
уйланиши жоиз эмас. 
Агар жинсий алоқага қодир бўлса-ю, бироқ етарли маблағи бўлмаса, уйланишга имкон 
топгунича рўза тутади. Чунки рўза инсонни ножоиз ишлардан сақлайди. 
5. Макруҳ. Уйланса, аѐлини керакли нарсалар билан таъминлай олмаслик, жинсий алоқага 
ярамаслик эҳтимоли кўпроқ кишилар учун уйланиш макруҳдир.