1-БЎлим. Бахтли ҳаёт асослари бахтнинг баҳоси қанча?

АГАР ҚЎЛИНГИЗДАН КЕЛСА... 
Ҳаѐтнинг лаззати “Ема, ичма, бўл бахил, бой бўлмасанг – мен кафил”, деган номаъқул 
сафсатага амал қилиб, тишнинг кирини сўриб ўтиришда эмас ѐки ҳалол-ҳаромнинг фарқига бормай, 
мол-дунѐ тўплаб, очкўзлик қилиб, кўп еб, қориб силаб, тиш кавлаб, ағанаб ѐтишда ҳам эмас. 

---

25 
Инсон умри – қисқа. Буни ҳаммамиз биламиз. Ҳаѐт жуда тез ўтиб кетади. Ўтган кунимиз 
қайтиб келмайди. Шундай экан, дунѐга келиб, бировга яхшилик қилишдан кўра лаззатлироқ иш 
бормикан дунѐда? Шунинг учун ҳам доно халқимиз “Ҳожат чиқар – қоқилмайсан, қилич келса – 
чопилмайсан” деб жуда тўғри айтган. 
Агар қўлингиздан келса, йиқилган кишиларни турғазиб қўйинг, чарчаган одамнинг оғирини 
енгил қилинг, бирон нарсага муҳтож одамни кўрсангиз, ѐрдам қўлини чўзинг, ақл сўраганнинг 
маслаҳатгўйи, йўл сўраганнинг раҳнамоси бўлинг. 
Агар қўлингиздан келса, ахлоқий гўзалликда одамлар сараси, ақлирасоликда олимлар доноси 
бўлинг. Эл-юртдан четлашманг, ҳар қадамда кўрганларингизни ѐру дўстларингиз билан баҳам кўринг. 
Агар қўлингиздан келса, ўйлаб гапиринг, сўзингизда ҳаққонийлик, қатъият бўлсин, маъноли 
сўзлаб яхши натижани кўзланг. 
Агар қўлингиздан келса, ота-боболаримизнинг “Кўп ўйла, оз сўйла” мақолига риоя этинг, 
сўзингиз ишингизга монанд бўлсин, ақлий, жисмоний меҳнатдан қочманг, ишнинг кўзини билинг, 
сўзнинг мағзини топинг, қийинчиликдан қўрқманг, ютуғингиздан ҳаволаниб кетманг, ўзингизни ҳас-
чўпдан пастга урманг, мағрурланиб тўғри йўлдан оғманг. 
Агар қўлингиздан келса, янгича фикрлашга, янгича ишлашга, хулосалар чиқаришга одатланинг, 
ҳалол меҳнатингиз, соф виждонингиз, расо ақлингиз, яхши хулқ-атворингиз билан халқ ишончини 
оқланг. 
Агар қўлингиздан келса, “Бешикдан қабргача илм изла” буйруғига амал қилиб, барча илмларни 
ўрганинг, билганларингизни ѐш авлодга ўргатинг
13
.