1. Bir va ikki qatorli quduqlar. Bir yo’la alohida ishlatish yo’llari

Neft va gaz mahsuloti olinuvchi va haydaluvchi quduqlarni bir vaqtda va alohida ishlatish

Ma’ruza rejasi

1.Bir va ikki qatorli quduqlar.

2.Bir yo’la alohida ishlatish yo’llari.

1.Bir va ikki qatorli quduqlar

• Neft konlarini ishlatish tajribasi shuni ko’rsatadiki, jami asosiy xarajatlarni yarmidan ko’pi maydonni burg’ilash va ishlatish uchun sarflanadi. Shunday ekan tavsifga (bosimi, o’kazuvchanligi va boshqalar) ega bo’lgan ko’p gorizontni ishlashda –alohida quduqlar to’rini burg’ilashga to’g’ri keladi. Boshqacha aytganda bunday ko’p qatlamli konlarni ishlatish uchun ko’p sonli quduqlar qazishga to’g’ri keladi.
• Xarajatlarni kamaytirish maqsadida bir yo’la alohida ishlatish usulidan foydalaniladi. Neftli maydon bir yoki bir necha quduqlar to’ri bilan burg’ilanib, bir quduq orqali bir necha maydon ochiladi.
• Bir yo’la-alohida ishlatish usullaridan biri bir guruh Baku injenerlari 1951 yilda taklif qilgan variantdir. Bu usulda bir quduqdan bir nechta bir-biridan ajralgan quvurlar orqali turli qatlamlarni bir vaqtda ishlatishdir.

Burg’ilashdan oldin er yuzasida 3m chuqurlikda shaxta qaziladi.
Shaxta ishlatish quvurlari tizmasini tushirilgandan keyin ajratish uchun xizmat qiladi. Tizmani ajratish quduq ustini ma’lum masofada saqlashni ta’minlash, quduq usti jixozlarini montaj qilishni engillashtirish, ishlatish va er osti ta’mirini o’tkazish uchun xizmat qiladi. Ajratilgandan keyin quduq usti markazlari orasidagi masofa ikki qatorli quduqlarda 0,8 m ni
va uch qatorli quduqlarda 0,8 m va bu ikkalasi bilan uchinchi tizma orasidagi masofa 0,6 m ni tashkil qiladi.
Tizmalar diametri bo’yicha eng ko’p tarqalgan kombinasiyalar:
1). Ikki qatorli tuzilishda.
2). Uch tizmani tuzilishi uchun.
a). Har ikkala tizma 102 mm.
b). Bir tizma 102 mm, ikkinchisi 127mm.
v). birinchi tizma 102 mm, ikkinchisi 152 mm.
g). har ikkala tizma 152 mm.
a). Barcha uch tizma ham 102 mm.
b). Ikki tizma 102 mm, bitta tizma 127mm.
v). Ikki tizma 102 mm, bitta tizma 152mm.