1. Biologik membranalar: tuzilishi, kimyoviy tarkibi va asosiy vazifalari

28. Leykotsitlarning klassifikatsiyasi va tavsifi. Leykotsitar formula.
Leykotsitlar - qondan, to’qimaga migratsiya bo’ladi, bu yerda immun tizim bilan bog’liq turli vazifalarni bajaradi. Leykotsitlar tsitoplazmasidagi donachalari va yadrosining morfologiyasiga qarab, ikki turga ajratiladi: donasiz va donador leykotsitlarga. Bu ikkala tip ham, sferik shaklda, qonda sirkulyatsiya bo’lib, tomirlardan to’qimaga o’tganda amyobasimon harakat qilish qobiliyatiga ega bo’ladi.
Donador leykotsitlarning tsitoplazasida ikki hil donachalari mavjud: lizosomal, azurofil donachalar hamda mahsus donachalar bo’lib, ular neytral,ishqoriy va kislotali bo’yoqlar bilan bo’yalib,mahsus vazifalarni bajaradi. Donador leykotsitlarni yana polimorf yadroli leykotsitlar deyilib,ularning yadrosi ikki va undan ortiq segmentlardan iborat bo’lib, ularga neytrofillar, bazofillar, eozinofillar kiradi.
Donasiz leykotsitlar tsitoplazmasida mahsus donachalari bo’lmaydi, lekin azurofil donachalarni saqlaydi. Agranulotsit leykotsitlarning yadrosi bo’laklarga bo’linmagan bo’lib,sferik shaklga ega, biroz o’ng tarafga surilgan. Agranulotsit leykotsitlarning ikki turi ajratiladi: limfotsitlar va monotsitlar.
Turli leykotsitlar foiz miqdorining nisbati leykotsitar formula yoki Shilling formulasi deb ataladi. Hozirgi vaqtda normal leykotsitlar formula ko`rsatkichlari qilib quyidagilar qabul qilingan.
Leykotsitlar 1 mm<sup>3</sup> qonda 3,8-9 ming atrofida bo`ladi, shulardan: neytrofillar-65-70%, eozinofillar-2-5%, bazofillar-0,5-1%, limfotsitlar-20- 35%, monotsitlar-6-8% ni tashkil etadi.