1-bilet Amir Temurning davlat boshqaruvidagi islohotlari

2. Buyuk Xitoy devori haqida ma’lumot bering.
Sin Shixuandi o‘z davlatini ko‘chmanchi xunnlarning hujumlaridan himoya qilish uchun Shimoliy Xitoy bo‘ylab qurilgan mudofaa devorini yanada mustahkamlashni buyurgan. Devorni qurish ishlari dastlab mil. avvalgi IV asrda boshlangan. Bu devor tarixda Buyuk Xitoy devori deb atalgan. Uning balandligi 6-10 metr, qalinligi 5-8 metr, uzunligi esa qariyb 4000 kilometrni tashkil etadi. U qadim zamonlarda dushman qo‘shinlari uchun jiddiy to‘siq bo‘lib xizmat qilgan: otliq qo‘shinlar undan oshib o‘ta olmas, qal’alarni hujum bilan zabt etishni esa ko‘chmanchilar hali uddalay olishmasdi. Podsho va amaldorlar devor qurilishida minglab dehqonlarni majburan ishlatganlar.
3. Imom al-Buxoriyning hayoti va faoliyati.
Muhammad ibn Ismoil al-Buxoriy (810–870) islom ta’limotiga oid yigirmadan ortiq asarlar yozdi. Uning birgina “Al­jome’ as­sahih” asariga 7275 hadis kiritilgan. 1998-yil oktabrda buyuk mutafakkir Imom al-Buxoriy tavalludining 1225 yilligi nishonlandi. Samarqand yaqinidagi Xartang qishlog‘ida “Imom al­Buxoriy yodgorlik majmuyi” barpo etildi. 4 jildli “Al­jome’ as­sahih” kitobi ilk bor o‘zbek tilida nashr etilib, kitobxonlarga taqdim etildi.


29-bilet


1. Panipat jangi.
Dehlidan taxm. 100 km shim.da joylashgan Panipat yalangligida tarixda sodir bo‘lgan mashhur jang. Bobur qo‘shini (12 ming askar) b-n Dehli sultoni Ibrohim Lo‘diy qo‘shini (100 ming jangchi va jangovar fillar) o‘rtasidagi jang (1525 y. 21 apr.). Hind qo‘shini tartibsiz tarzda jangni boshlagan. Boburning burong‘or va juvong‘ori to‘lg‘ama usuli b-n g‘animning ort tomoniga o‘tib unga kuchli zarbalar bergan. Ibrohim Lo‘diy asosiy kuchlari va jangovar fillar b-n markazga hamla qilgan. Shunda Bobur ho‘kizlarning xom terisidan eshilgan arqonlar b-n bir-biriga mahkam bog‘langan 700 ta arava va ular orasiga o‘rnatilgan turoqalqonlar panohida turgan tufakandozlarni jangga tashlaydi. Tufak va zambarak o‘qlaridan yarador bo‘lgan fillar chekinib ustlaridan filbonlarni yiqitib, piyodalarni yanchib o‘tadi, hindlar sarosimaga tushib qochishga tushganlar. Sulton Ibrohim Lo‘diy va taxm. 50 ming hind jangchisi halok bo‘lgan. Bobur Dehli va Agrani zabt etib, Shim. Hindistonda Boburiylar davlatiga asos soladi.