1-bilet Amir Temurning davlat boshqaruvidagi islohotlari

2. Galikarnas maqbarasi haqida ma’lumot bering.
Kichik Osiyoda Kariy viloyati bo‘lgan. Uning markazi nihoyatda boy va go‘zal Galikarnas shahri edi. Galikarnas maqbarasi mil. avv. 353-yilda vafot etgan hukmdor Mavsol xotirasi sharafiga bunyod etilgan. Bu maqbara ibodatxona vazifasini ham bajargan. Maqbaraning kengligi 66 metr, uzunligi 77 metr, balandligi esa 46 metr bo‘lgan.
3. Abdulla Avloniy hayoti va faoliyati.
Abdulla Avloniy 1878-yil Toshkent shahrida hunarmandlar oilasida tug‘ildi. U maktab va madrasada ta’lim olib, o‘z zamonining ma’rifatli va chuqur bilim sohibiga aylandi. Abdulla Avloniy o‘lkada ta’lim, matbuot, teatr sohalarining rivojlanishiga katta hissa qo‘shib, 1907-yil «Shuhrat» gazetasiga asos soldi. Oczi tashkil qilgan yangi usul maktabi uchun «Birinchi muallim», «Ikkinchi muallim», «Turkiy guliston yoxud axloq» kabi darsliklarni yaratdi.
17-bilet


1. Anqara jangi haqida ma’lumot bering.
Amir Temur bilan Sulton Boyazid qo‘shinlari o‘rtasidagi hal qiluvchi jang 1402-yil 20-iyulda Anqara yaqinida, Chubuq mavzeyida sodir bo‘ladi. Bu jang tarixda “Anqara jangi” deb ataladi. Uzoq davom etgan shiddatli jangda Sohibqiron kuchlari turk qo‘shinini tor-mor etadi. Sulton Boyazid asirga olinadi. Boyazid ustidan qozonilgan buyuk g‘alaba bilan Amir Temurni Fransiya, Angliya hamda Kastiliya va Leon qirollari tabriklab, unga o‘z muboraknomalarini yuboradilar. Chunki Sohibqiron endigina uyg‘onayotgan Yevropaga ulkan xavf solib turgan Usmonli turklar davlatiga zarba berib, butun Yevropaning xaloskoriga aylangan edi.
2. Shomahmudovlar oilasi monumenti haqida ma’lumot bering.
1982-yil 26-mayda Toshkentdagi Xalqlar do‘stligi maydonida “Xalqlar do‘stligi monumenti - Shomahmudovlar oilasi haykali” o‘rnatiladi. Monument 2-jahon urushida SSSR turli hududlaridan kelib qolgan 16 bolani asragan toshkentlik temirchi oila Shomahmudovlarning yuksak insoniy jasoratini o‘zida aks ettiradi. 2008-yil 12-aprelda monument shaharning bir chekkasiga ko‘chirib o‘tkaziladi. 2017-yil 1-mayda monument Xalqlar do‘stligi bog‘iga ko‘chiriladi, 2018-yil 9-may kuni esa monument o‘zining dastlabki joyi Xalqlar do‘stligi maydoniga yana qayta ko‘chirib keltiriladi.