1 Arxitektura qachon va qanday shakllandi?

79. Bolohovuz masjidi arxitekturasi haqida batafsil ma'lumot bering. Sxematik chizmalar bilan ma'lumotlarni to'ldiring.

Javob: Bolo hovuz masjidi - "muqaddas" Buxoroning amaldagi eng chiroyli masjidlaridan hisoblanadi. Bolohovuz masjidi O'zbekistondagi arxitektura bo'yicha eng chiroyli qurilgan masjidlar 5 taligiga kiritilgan. Bolo-hovuzning ma’nosi "bolalar hovuzi" deb hisoblanadi. Bolohovuz masjidi XVIII - XX asriarda barpo etilgan bo'lib, Buxoro amirlarining saroyi-Arkning ro'parasida joylashgan. Ulkan yozgi masjid Shohmurod amirning buyrug'iga binoan xalqning ibodat qilishi uchun qurilgan bo'lib, musulmon me'morchiligining durdona asari hisoblanadi. XVIII asrda hovuz oldida tomonlar o‘lchami 11,5 m ni tashkil etgan gumbazli masjid qurilgan. Uning ro‘parasida XX asrda buxorolik usta Qurbon Yo‘ldoshev baland ayvon soldirgan, usta Shirin Murodov minora tiklagan. Nafis naqshlar ayvon shiftining avaylab saqlab kelinishini ta’minlagan. Masjid baland ayvonli, naqshlar bilan ziynatlangan, shifti pog‘ona-pog‘ona muqamaslarga ega. Bolohovuz masjidi qalqonsimon va murakkab relyeflar bilan bezatilgan. Mehrobga nafis naqshlar ishlangan. Ganch shuvoqli peshtoq masjidning sharq tomonida bo‘lib, bo'g'ot osti ganch naqsh bilan bezatilgan, shifti qandilli. Peshtoqning yon tomonlariga ikki qavatli baland toshchali hujralar qurilgan. Bolohovuz masjidining 20 ta baland va naqshinkor ingichka yog'och ustunli ayvoni kishini hayratga soladi. Ayvonning yon devorlaridagi tokchalari naqshlar bilan bezatilgan. Bu yerda jum a namozi o'qilgan. Shuning uchun ham masjidning ayvoni va qandil osilgan shipi, ayniqsa, serhasham ishlangan. Ansambl o'zining badiiy nafosati bilan Registon maydonining tarkibiy qismiga aylangan.