1 а’meliy sabaq. Menejment teoriyasi pа’ninin’mazmuni maqseti ha’m waziypalari

Menedjment pa`ni – bul basqarıwshıg`a tan`lawdı durıs a`melge asırıwın ha`m na`tiyjeli qarardı qabıl etiwin u`yretiwshi pa`n bolıp tabıladı. Onın` tiykarg`ı maqseti bazar qatnasları sharayatında barlıq buwınlarda isley alatug`ın joqarı mamanlıqtag`ı basqarıwshılardı tayarlawdan ibarat. Usınnan kelip shıqqan halda bul pa`n to`mendegilerdi u`yrenedi:

• 
  basqarıw teoriyasi ha`m a`meliyatı;
  
• 
  basqarıw ob`ekti ha`m sub`ekti;
  
• 
  basqarıw printsipleri ha`m usılları;
  
• 
  basqarıw ma`deniyati;
  
• 
  menedjer ha`m onın` pazıyletleri;
  
• 
  menedjer reytingi;
  
• 
  basqarıwda kirisiwshen`lik ha`m qarar qabıl etiw;
  
• 
  basqarıw funktsiyaları;
  
• 
  xızmetkerlerdi basqarıw;
  
• 
  islep shıg`arıwdı(o`ndiristi) basqarıw;
  
• 
  o`nimdarlıqtı basqarıw;
  
• 
  o`nimnin` sapasın basqarıw;
  
• 
  o`zin-o`zi basqarıw;
  
• 
  aymaqlıq basqarıw ha`m basqalar.
  

Menedjment ob`ekti xaqqında so`z etkende, en` aldı menen ob`ekt so`zinin` so`zlik ma`nisine itibar beriw kerek boladı. Usı ma`niste ob`ekt – bul:

• 
  bizden sırtqı ortalıqta ha`m bizin` sanamızg`a baylanıslı bolmag`an halda bar bolg`an barlıq, waqıyalıq, materiallıq du`n`ya;
  
• 
  insan xızmeti, dıqqat - itibarı qaratılg`an ha`diyse, predmet, shaxs;
  
• 
  xojalıq yaki qorg`anıw a`hmiyetine iye bolg`an ka`rxana, qurılıs, ayırım bo`lim ha`m usı sıyaqlılar.
  

Demek, ob`ekt tu`sinigi mikro waqıyalıqtan (kishi ha`m onın` xızmetinen) baslap, tap makro waqıyalıq(materiyallıq du`n`ya, ja`miyet) da`rejesine shekem bolg`an ma`nisti o`z ishine aladı. Mısalı, “Shofyor o`z mashinasın basqara almag`anlıg`ı sebepli ol joldan shıg`ıp ketken ”. Bul jerde basqarıw ob`ekti bolıp mashina esaplanadı.

Yaki, “Ol insan o`zin ju`da` jaqsı basqara aladı ”. Bul jerde basqarıw ob`ekti bolıp adam, shaxs esaplanadı. Futbol komandası yaki qala transportı ha`reketin basqarıw. Rayon, walayat, ma`mleketti basqarıw ha`m t.b. menedjmenttin` yaki basqarıwdın` ob`ektleri bolıp tabıladı.

Basqarıw jumısın atqarıwshı ken`eseler ha`m olardın` basqarıwshıları menedjmenttin` sub`ekti, yag`nıy basqarıw organları yaki menedjerler – basqarıwshılar bolıp esaplanadı.

Solay etip ha`r qanday ha`diyse yaki protsestin` negizi basqarılatug`ın ob`ekt ha`m basqarıwshı sub`ekt sistemalarınan turadı.