1-amaliy mashg’ulot. Qishloq xo‘jaligi mahsulotlarini yetishtirish bo‘yicha texnologik kartalar bilan tanishish

1-amaliy mashg’ulot. Qishloq xo‘jaligi mahsulotlarini yetishtirish bo‘yicha texnologik kartalar bilan tanishish
1.Ishning maqsadi: Qishloq xo‘jaligi mahsulotlarini etishtirishda qo‘llaniladigan amaliy texnologik kartalar tuzish bo‘yicha ko‘nikmalar berish.
2.Kerakli jihozlar: 2011-2015 yillar bo‘yicha qishloq xo‘jaligi mahsulotlarini etishtirishda qo‘llaniladigan texnologik kartalar, ko‘rgazmali qurollar, o‘quv filmlari, adabiyotlar.
3.Ishni bajarish tartibi:
Har bir fermer xo‘jaligi mutaxassislari tomonidan biznes-reja tuzishdan oldin, namunaviy texnologik kartalar asosida xo‘jalikning tuproq-iqlim sharoitini hisobga olgan holda ekiladigan har bir ekin turi uchun amaliy texnologik kartalar tuzib chiqiladi va xududning qaysi mintaqaga to‘g‘ri kelishi, hosildorlikni kanchalik bo‘lishiga qarab sarf xarajatlar hisoblanadi.
Amaliy texnologik kartalarni tuzishdan maqsad:1) mintaqalarni o‘ziga xos tuproq-iqlim sharoitlarini hisobga olgan holda ilg‘or agrotadbirlar va mashinalar tizimidan samarali foydalanib, ekinlar etishtirish jarayonining mexanizsiyalash darajasini oshirish; 2) mehnat va moddiy resurslardan unumli foydalanish; 3) mahsulot yetishtirishda ishchi kuchi, yoqilg‘i, ma’danli o‘g‘itlar va mexanizatsiya sarflarini qisqartirish; 4) mahsulot tannarxini kamaytirish maqsadida foydalanadigan texnika va jihozlarni arzonroq turlari bilan almashtirish; 5) bir o‘tishda bir necha turdagi ishlarni bajaradigan qurama (aralash) agregatlardan keng foydalanishdan iborat.
Ma’lumki, mamlakatimizda paxta etishtirish bo‘yicha namunaviy texnologik kartalar 3 ta mintaqa bo‘yicha tuzilgan bo‘lib, amaliy texnologik kartalarni tuzishda xo‘jalik mutaxassislari uchun qo‘llanma vazifasini bajaradi.
Respublika tumanlarining mantaqalar bo‘yicha taqsimlanishi 1-ilovada keltirilgan. Ammo paxta etishtiradigan fermer erlarini u yoki bu mintaqaga kiritish birmuncha shartli xarakterga egadir. CHunki, bir tumanning hududida ham tuprog‘i turli mintaqalarga taalluqli bo‘lgan erlar mavjud.