1-amaliy mashg‘ulot O’zbekistonda bank tizimining shakllanishi va rivojlanishi

1-amaliy mashg‘ulot
O’ZBEKISTONDA BANK TIZIMINING SHAKLLANISHI VA RIVOJLANISHI
1.1. Banklar - kredit tizimining muhim bo’g’ini
2020 yilda Global O’zbekistonda iqtisodiy isloxatlarning ustuvor maqsadlari sifatida quyidagilar belgilangan:
1. Bozor iqtisodiyotini bosqichma-bosqich joriy etish;
2. Mulkchilikning turli shakllariga asoslangan iqtisodiyotni yuzaga keltirish, mulkka bo’lgan munosabatni o’zgartirish;
3. Korxona va fuqarolarga keng iqtisodiy imkoniyatlar berish, maomuriy-buyruqbozlik usulidan voz kechish, iqtisodiy vositalardan keng foydalanish;
4. Iqtisodiyotda resurslardan samarali foydalanish, raqobat-bardosh mahsulot ishlab chiqarish, jahon iqtisodiy tizimiga qo’shilishni ta’minlovchi chuqur tuzilmaviy isloxatlarni amalga oshirish;
5. Kishilar ongida yangicha iqtisodiy tafakkurni shakllantirish, ularning dunyoqarashini o’zgartirish, har bir kishiga mehnat qilish sohasi va shakllarini mustaqil tanlash imkoniyatini berish.
Mazkur yunalishlardagi amaliy chora-tadbirlarni o’tkazish natijasida mamlakat moliya tizimining tubdan islox qilinishiga, milliy pul birligini muomalaga kiritilishiga, moliya bozori va uning tarkibiy bo’linmalari faoliyatini shakllantirish va rivojlantirishga olib keldi.
Mamlakatimizda mustaqil bank tizimining shakllanishi, ko’p sonli aktsiyadorlik-tijorat, xususiy, qo’shma hamda chet el kapitali ishtirokidagi banklarning paydo bo’lishi istiqlolimiz ne’matidir.
Ma’lumki, xo’jalik mexanizmlarining samarali faoliyat ko’rsatishi uchun barqaror ishlovchi banklarning milliy tizimini yaratish zaruriyatini keltirib chiqaradi. Banklar - moliya-kredit tizimining muhim tarkibiy qismi bo’lib, ular yordamida investitsion jarayonlar va tovar (ish,xizmat)lar oldi-sotdisi amalga oshiriladi, boylik jamg’ariladi va pul mablag’larining harakati amalga oshiriladi. Barqaror ishlovchi bank tizimi ishlab chiqarishni rivojlantirishda va yalpi milliy maxsulotni ko’payishida vositachi bo’g’in sifatida ishtirok etadi.