1-Amaliy mashg’ulot Loyixani texnik-iqtisodiy asoslash tamoyillarini o’rganish. Texnologik liniyalarni saqlanadigan va tayyorlanadigan mahsulot turiga qarab tanlash usullarini o’rganish Ishning maqsadi

VAQTINCHALIK OMBORLAR SIG’IMINI ANIQLASH
Ishning maqsadi. Handak va uyumlarning sig‘imini va yer maydonini hisoblashni o‘rganish. Doimiy omborlar sig‘imini aniqlash.

Ishni bajarish uslubi. 1. Handak va uyumlar o‘lchami bo‘yicha bir-biridan farq qiladi. Aktiv shamollatgichli doimiy uyum maydonlari keng tarqalgandir. Ildizmevalarni saqlash uchun uyumlarning maydoni 800-1000 t ga mo‘ljallab hisoblanadi. Uyumning uzunligi - 24 m, eni - 4 m, to‘qilgan holdagi mahsulotning balandligi - 1,7 m tashqil etadi. Ba’zan uyumlarning tagidan - 0,7 m chuqur qazilgan bo‘lishi ham mumkin (bunda uning pastki qismining eni - 2,7 m, yuqorigi qismining eni - 3,5 m). Ikkita ventiliyator yordamida asosiy ariqga havo yuboriladi. So‘ngra taqsimlavchi ariqlar bo‘ylab uyumdagi mahsulotlarning tagiga uzatiladi. Har bir taqsimlavchi ariqlar zadvijka bilan ta’minlangan bo‘lib, ular uyumlarning tagidan havo yuborish yoki yopib qo‘yishni ta’minlaydi. Ventilyatorlarning har biri avtonom holda ishlab oltita uyumga havo beradi. Agar zarurat tug‘ilsa asosiy arikdagi zadvijkalar yordamida boshqa uyumlarga ham havo beriladi.

Yerdan tayyorlangan asosiy ariqlarning o‘rniga g‘ishtdan ham foydalansa bo‘ladi. Taqsimlovchi kanal sifatida diametri 200 mm bo‘lgan asbotsementli quvurdan foydalaniladi.

Handak va uyumlar yopilish turiga qarab ham farq qiladi. Bir qatlamli qilib yopilgan handaklar ildizmevalarni saqlash uchun ishlatiladi. Bunda ildizmevalar solingan handaklarning ustiga tuproq solinadi (0,15-0,2 m). sovuq tushgan paytda saqlash zonasiga qarab tuproqni 1-1,5 m gacha yetkazish mumkin. Ikki qatlamli uyumlar keng tarqalgan bo‘lib, bunda: birinchi qatlami - somon, ikkinchi qatlami - tuproq. Handaklar uch qatlamli ham bo‘ladi: birinchi qatlami – tuproq, so‘ngra – somon va yana tuproq. Sovuq tumanli mamlakatlarda to‘rt qatlamli uyumlar ham ishlatiladi: somon, tuproq, so‘ngra sovuq tushishi bilan yana bir marotaba somon va tuproq bilan yopiladi. Besh qatlamlilarida esa: to‘rtinchi qatlam ustidan opilka, somon yoki qor bilan yopiladi.