1-amaliy mashgʻulot. Kadrlar tayyorlash milliy dasturini amalga tadbiq etish jarayonida maxsus fanlarni oʻqitish metodikasi fanining oʻrni, predmeti, maqsad va vazifalari

 
Ma’lumki, qishloq xoʻjalik sohasidagi oliy ta’limning bakalavriat
bosqichida qishloq xoʻjalik sohasiga oid bir qator fanlar oʻrganiladi.
 
Umumiy oʻrta ta’lim maktablarida qishloq xoʻjalik sohasi «Texnologiya» 
fani darslarida qisqa bir boʻlim sifatida oʻrganilsa, kasb hunar maktablari va 
qishloq xoʻjalik yoʻnalishidagi texnikumlarda esa qishloq xoʻjalik fanlari 
Oʻsimlikshunoslik, Meva-sabzavotchilik kabi bir qancha fanlardan iboratdir.
Maxsus fanlarni oʻqitish metodikasi har bir mutaxassislik uchun eng zarur 
boʻlgan, shu mutaxassislikning mazmuni va mantiqini taqozo etadigan fanlarni 
qamrab oladi. U boʻlajak qishloq xoʻjalik fanlari oʻqituvchisini kasbiy jihatdan 
tayyorlash dasturining tarkibiy boʻlaklaridan biridir. Bu kurs qishloq xoʻjalik 
turkumidagi barcha fanlarni oʻqitishning nazariy-metodik asoslarini oʻrganishni 
kuzda tutadi. Ammo bu jarayonning birinchi bosqichi, xolos. Keyingi bosqichda 

---

boʻlajak 
oʻqituvchilar 
bevosita 
ilmiy-amaliy 
pedagogik 
ishlar 
bilan 
shugʻullanishlari kerak. 
Bunga kurs ishlari, referatlar, mustaqil ishlarini hamda magistrlik 
dissertasiyalarini tayyorlash, shuningdek, tegishli fan yoʻnalishi boʻyicha ilmiy 
pedagogik amaliyotdan oʻtish kiradi. Bu bosqichlarni oʻtagan magistarant talaba 
oʻz kasbiy-pedagogik layoqatini shakllantirish bosqichlarini oʻtagan mutaxassis 
sifatida qaraladi. Ushbu kursning asosiy vazifalaridan biri boʻlajak oʻqituvchilarni 
qishloq xoʻjalik fanlarini oʻqitish metodikasi sohasida kasbiy - pedagogik 
layoqatliligini shakllantirish va rivojlantirishdan iboratdir. Ushbu kurs xam 
nazariy, xam amaliy maqsadlarni kuzda tutadi. Unga jamlangan materiallar shu 
yoʻnalishlar mohiyatidan kelib chiqqan. 
Shunga koʻra, talabalardan maxsus kursning nazariy asoslarini bilish talab 
etiladi. Ular egallashi lozim boʻlgan koʻnikma va malakalar esa quyidagilardan 
iborat bulishi kerak: 
• qishloq xoʻjalik hamda pedagogika, psixologiya turkumidagi 
fanlar talablarini oʻzaro uygʻunlashtira olish; 
• ta’lim tarbiya jarayonlarini tashkil etishda mazkur fanlarning yutuqlarini 
amaliyotga tatbiq etishning zamonaviy shakl va usullaridan amaliy jihatdan 
foydalana bilish; 
• ta’limning turli bosqichlarida oʻqituvchi shaxsiga xos boʻlgan 
asosiy pedagogik-psixologik xususiyatlardan adabiy ta’limni yoʻlga qoʻyish va 
uning samaradorligini ta’minlash yoʻlida istifoda eta olish. 
Amaliy jihatdan esa har bir maxsus fan boʻyicha dars ishlanmalari, ma’ruza 
matnlari, laboratoriya ishlarini tashkil etishni uddalash koʻnikmasi va malakasiga 
ega boʻlish talab etiladi. 
Maxsus fanlarni oʻqitish bir qator fanlarning oʻzaro integrasiyasidan 
foydalanishni taqozo etadi. Xususan, qishloq xoʻjalik turkumidagi va pedagogika, 
psixologiya, shuningdek, falsafa turkumidagi fanlar integrasiyasi bu yerda 
alohida mavqie tutadi.